BlackSheeps P3:a čuojahanlisttus

P3 radiokanála lea vuosttas geardde biidjan MGP jr. lávlaga P3:a čuojahanlistui.  P3:a musihkkahoavda Håkon Moslet rábmo BlackSheeps joavkku.  "Hearvás lávlla ja vokalista lea áivan buhtes taleanta".  Skierrolágádus MBN guhte olggosaddá MGP jr. cd`aid lea hirbmat duhtavaš dán rádjái.  Albumma lea jo vuovdán golleskierru meari ja lea maid oalle badjin VG listtas.  Gáddimis oažžu BlackSheeps` lávlla  "Oro Jaska Beana"  eanáš gudni dán ovddas.  The BlackSheepsii leat golleskierrut boađi boađi.

Youtube lea moadde beaivvis čuojahan lávlaga sullii 100 000 háve, ja dat gal lea oalle erenoamáš dáhpáhus.