Hjem > Erenomáš birasdoaibmabijut eanadoalus (EBEA)
Erenomáš birasdoaibmabijut eanadoalus (EBEA)
Spesielle miljøtiltak i jordbruket (SMIL)
Ohcanáigemearri miessemánu 21. beaivve 2010
(Ill.: Bent Johansen)
Deanu, Unjárgga ja Bearalvági gielddaide lea juolluduvvon 204 406,- kruvnnu mat galget juogaduvvot daidda geat čađahit erenomáš birasdoaibmabijuid eanadoalus 2010:s. Lea go dus boares guohtuneana maid hálidivččet njáskat ja geavahišgoahtit fas? Dus veadjá leat dološ gáhtten veara huksehus maid hálidivččet áimmahuššat? Dahje hálidat go láhčit olbmuide vejolašvuođa vánddardit kultureanadagas? Dákkár doaibmabijut leat muhtun dain doaibmabijuin maidda sáhtát ohcat EDEA- doarjaga gielddas.
Dát doarjja boahtá ovddeš STILK- ruđaid ja guovlludoaibmabidjoruđaid sadjái. Ruđat juolluduvvojit doaibmabijuide maid ii sáhte vuordit čađahuvvojit dábálaš eanadoalu bokte.
Ulbmil:
Ovddidit luonddu- ja kulturmuitoárvvuid eanadoalu kultureanadagas ja geahpedit nuoskkideami mii boahtá eanadoalus. Prošeavttat ja doaibmabijut vuoruhuvvojit báikkálaš ulbmiliid ja strategiijaid vuođul.
Geat sáhttet ohcat?
Fitnodagat mat eaiggádit dahje doaimmahit eanadoalloopmodaga dahje eará fitnodagat mat leat registrerejuvvon ovttadatregistarii ja mat leat ožžon lobi bidjat johtui doaibmabijuid eanadoalloopmodaga eaiggádis.
Masa sáhttá ohcat doarjaga?
1. Plánen- ja láhčinprošeavttaide (álgoprošeavttat) mat galget šaddat konkrehta plánan kultur- ja nuoskkideami doaibmabijuin. Sáhttá oažžut doarjaga plánemii, organiseremii ja ieš alddis prošeaktabargui.
Doarjjaproseanta: gitta 100% rádjai dohkkehuvvon gollomeroštallamis.
2. Kultureanadaga- ja nuoskkidandoaibmabiju čađaheapmái mii
a) áimmahuššá luonddu- ja kulturmuitoárvvuid kultureanadagas
b) eastada dahje geahpeda nuoskkideami dahje nuoskkidanvára mii boahtá eanadoalus
Doarjjaproseanta: gitta 70% rádjai dohkkehuvvon gollomeroštallamis, dahje gitta 100% rádjai erenomáš oktavuođain mat áimmahuššet biologalaš máŋggabealálašvuođa.
Ohcanáigemearri: miessemánu 21. Beaivve 2010.
Ohcanskovi gávnnat dás:
Čálit
Skriv ut
Cavgil ustibii