Duohtadieđut

Unjárgga gielda lea siskkit Várjjatvuonas Nuortta-Finnmárkkus. Váldoealáhusat maŋimuš 100 jagiid leamašan boazodoallu, eanadoallu ja guolásteapmi. Kránnjágielddat leat Deatnu, Mátta-Várjjat, Čáhcesuolu ja Báhcavuotna. Unjárgga gielddas lea guovttegielat álbmot, ja sámegiella ja dárogiella leat ovttaárvosaččat. Gielddas lea hui buorre mánáidgárddefálaldat, buorre dikšun- ja fuolahusfálaldat ja nuoraidskuvllaoahppit ledje 2001 Finnmárkku buoremusat. Gielda lea stuorámus bargoaddi, ja Sámedikki birasgáhtten- ja kulturmuitto váldohálddahus lea Vuonnabađas. Dáppe gávnnat  borramušbuvdda, bensiidnastašuvdna, kaféa ja Jegerstua Våpenspesialisten A/S gos gávnnat maid poastakontuvrra. Muđui sáhttit namuhit Várjjat Sámi Musea, mii ovddasta mearrasámi kultuvrra, geađgeruvke (barents red), mášinentreprenevra, elektrolinjjáentreprenevra, gilvvagárdi, rehketdoalu fitnodat,  ja táksit. Unjárga lea buoremus guovlu olgoástoáiggedoaimmaide. Dáppe gávnnat vuona ja duoddara sihke geasset ja dálvet. Jos háliidat bivdit o.m.d. rievssahiid, ealggaid ja guliid, de galggat fal deike boahtit!

Dás gávnnat Statistálaš Guovddášbyra siidduid gieldda birra