Bures boahtin min gildii!
buorit ja ustitlaš olbmot. Dáppe lea lahka vuolgit meahccái, váriide,
duoddariidda, buorre guollejávriide, luossajogaide ja bivdit dán
guollás Várjjatvuona. Jos boađát min guossái de
sáhtát oahppásmuvvat guovllu ássiide, lupmet, bivdit luosa ja sávjaguliid,
čakčat loddet, bivdit meara dahje váccašit meahcis ja návddašit dan čáppa
luonddu. Dáhkidetnet dutnje muosálaš dili.
Unjárgga gielda gullá Várjjagii ja sáhttá ge gohčodit dán Davvikalohttažin. Guovllu historjá lea gelddolaš, ja álbmot lea máŋgga iešguđetlágán nášunalitehtain. Dáppe sáhtát deaivat mearrasápmelaččaid, boazosápmelaččaid, dážaid, kveanaid, ruoššaid ja earáge nášunalitehtaid. Guovlu lea niehkoguovlun meahcástallamii, okta Eurohpa davimus buoiga meahcce guovlluin. Jus buorebut háliidat oahpásmuvvat guovlluin ja min historjjáin, de lea buorre álgun gallestallat Várjjat Sámi Musea.
Gánnáha maiddái galledit CeavccageađggiKulturmuituguovllu. Váccaš doppe muhtin ovdalgaskabeaivve beaivesuotnjariid vuolde, dahje geavat muhtin čáppa eahkeda dán rabas luonddus mas leat ollu mearkkat 10 000 jagi ássamis.
Loga eanet Unjárgga fálaldagain dás.
Jus hálideaččat diehtit makkár otná dálki lea, de guovlal Várjjat Sámi Musea web-camera gos vuona oainnát.
Beaivetuvra Várjavuongátte lea heivvoleamos vuolgit Unjárggas. Dáppe leat olu boradan ja ijastaddan vejolašvuođat. Jos bivdinmiella, sáhttát láigohit fatnasa. Eat dáhkit maidege, muhto guliid veaját goddit Norgga guollámus vuonas.
Loga eambbo makkár vejolašvuođat leat Unjárggas
Ijastaddanfálaldagat:
| Rissebávtte barta/hyttá ja fanasláigohat | Unjargga gielddas. Ođđaáigásaš hyttát Rissebávttes, suojes ja čába báikkis. Mearra, luossajogat ja jávrrit leat dás lahkosis. Buorre lodden-, oaggun ja lottiid geahččanguovlu. Mearrasámi kultuvra, vuonnabivdu, rievssatbivdu, krabbabivdu, gaskaijabeaivváš, luossabivdu, árktálaš šattut, erenoamáš ja čába luondu maid dušše Finnmarkkus gávnnat. | Tlf: +4793499166 934 12272 |
Jegerstua ijastanbáiki | Vuonnabađas, gieldda guovddášis. Ijastanbáikkis leat 8 lanja dušša ja hivsset. Oktasaš kievkkan ja TV-latnja. Sáhttit maid láigohit uhca ásodagaš. Lahka meahccái ja eará fálaldagaide gielddas. | Tlf: 97060164 78958164 |
Varjjat Ferie og Fritidssenter | Varjjat Ferie og Fritidssenter lea sullii vihtta kilomehter Vuonnabađas nuorttas, Cáhcesullo guvlui. Viesus leat guokte bearašlanja ja lassin duppal- ja eaŋkal latnja, oktiibuot ovcci seaŋgga. Lea vejolaš bidjat eanet seaŋggaid. | Tlf: +4778958124 +4792653086 |
Čálit
Skriv ut
Cavgil ustibii