Doaibmačilgehus

Gieldda mánáidsuodjalusbálvalus gullá Veahkkebálvalusa vuollái.

Mánáidsuodjalusa bargu lea mánáid ja nuoraid dilálašvuođaid sihkarastit ja suodjalit jos ellet diliin mat sáhttet vaikkuhit sin dearvvašvuhtii dahje ovdáneapmái. Galgá maid bearráigeahččat ahte mánáin lea oadjebas bajásšaddanvejolašvuođat, gč. § 1-1. Mánáidsuodjalanbálvalusas lea lága mielde geatnagahtton iskkadallama dahkat jos vihkut ahte muhtun mánás ii leat buorre, gč. § 4-3.

Sihke almmolaš ja priváhta olbmot geat dovdet máná sáhttet dieđihit mánáidsuodjalussii. Liikká lea dávjá ahte vánhemat ieža váldet oktavuođa mánáidsuodjalusain ráđđádallamii ja bágadussii. Go diehtu boahtá mánáidsuodjalussii galgá dat mearridit galgá go iskkadallan álggahit vai ii.  

Dieđuid/Iskkadallama bokte meroštallá mánáidsuodjalus dárbbaša go mánná oktan bearrašiinnis veahki. Veahkki sáhttá o.m.d. ráđđádallan ja bagadus, PMTO-bagadallan, doarjjoolmmoš, dudden dahje mánáidgárdesadji. Mánáidsuodjalusas  gohčodit dán cakkadeaddji dahje eastadeaddji veahkkedoaibman. Mii geavahat duohpaga fuolahan-doaimmat go bidjat mánáid biepmoruovttuide ja institušuvnnaide. Mánáid sirdit eará sajiide sáhttá čovddosin jos cakkadeaddji veahkkedoaimmat eai doaimma. Sirdin sáhttá leat máná bealis eaktodahtolaš, muhto vánhemiiguin oktiiráđiid  dahje fuolahusa váldit badjelasás  oktavuođas. Deháleamos lea ahte máná eallindilli galgá nu buorre go vejolaš, gč. § 4-1.

Áigomušat ja doaimmat

Oasálastin:

Gárrenmirkkueastadan joavku

-      Mánáidsuodjalus, skuvla, politiija ja dearvvášvuođadivššár.

Fágagaskkasaš čoahkkimat mánáidgárddis ja skuvllas

-  mánáidsuodjalus, dearvvašvuođadivššár, mánáidgárdi, skuvla ja PPD.   

Láhkavuođđu

Mánáidsuodjalanbálvalusláhka

Hálddahusláhka

Jávohisvuođabággu

Mánáidsuodjalanbálvalusbargiin lea jávohisvuođabaggu Mánáidsuodjalanbálvaluslága  § 6-7, gč. Hálddahuslága §§ 13 -13 e vuođul.

Dieđiheapmi

(Vuorjašumidieđut ja ruhta- ja bálvalusveahkiohcamat)

Mánáidsuodjalussii sáhttá riŋget dahje čállit. Mis eai leat gárvves ruhta- dahje eará veahkkeohcan skovit.

Ohcanáigemearri

Ii leat ohcanáigemearri. Dieđiihemiid váldit vuostá dađistaga.

Eaŋkalmearrádusa gieđahallanáigi

Eaŋkalmearrádus: 3 vahkku. Jos eat geargga gieđahallat ášši 3 vahkku sisa, sáddet gaskaboddosaš fástádusa  hálddahuslága § 11a vuođul.

Eankalmearrádusa mearrida

Veahkkedoaimma doaibmajođiheaddji.

Eaŋkalmearrádusa váidin

Eaŋkalmearrádus maid mánáidsuodjalus lea mearridan sáhttá guoddalit fylkkamánn:ii, gč. Mánáidsuodjalanbálvaluslága § 6-5 ja  Hálddahuslága § 28 .  Hálddahuslága § 29 mielde lea guoddalanáigi 3 vahkku dan rájes go ohcci oažžu dieđu mearrádusa birra.

Váldde oktavuođa

Bargoáiggis:

Dieđáhusat fáhkka mánáidsuodjalusáššiid birra maŋŋá bargoáiggi:

Veahkkebálvalusa doaibmajođiheaddji: Silvana Roska 78 96 00 31

Mánáidsuodjalankonsuleanta:

Hege Maja-Bakken 78 96 00 33

Min gávnnat ráđđevisttis Vuonnabađas.

Gieldda leansmánni 78 95 97 60

Politiija (ii heahtenummir) 02800