Vuođđoealáhusfoanda

NJUOLGGADUSAT

VUOĐĐOEALÁHUSAID JA EARÁ ERENOAMÁŠ EALÁHUSDOAIMMAID EALÁHUSFOANDA                                         Mearriduvvon gielddastivrras 30.04.90

NJUOLGGADUSAT MO PRÁKTIHKALAČČAT DOARJAGA  OHCAT EANANDOALU INVESTEREMIIDDA

          Mearriduvvon gielddastivrras 05.09.94

NJUOLGGADUSAT MO PRÁKTIHKALAČČAT DOARJAGA OHCAT  GUOLÁSTUS INVESTEREMIIDDA

Mearriduvvon Ealáhuslávdegottis 25.05.94

                 NJUOLGGADUSAT

Vuođđoealáhusaid ja eará erenoamáš ealáhusdoaimmaid ealáhusfoanda.

§ 1 ULBMIL

Unjárgga gieldda ealáhusfoanda ulbmil lea iešguhtege doarjjaortnegiiguin  veahkehit ruhtadit doaimmaid mat nannejit ealáhusa ja ássamiid gielddas.

§ 2 FOANDARUĐAT

Ealáhusfoanddas leat foandaruđat maid Unjárgga gielda lea juolludan ealáhusfondii. Foanddaruđaid ii leat vejolaš geavahit loanaide ja doarjjagiidda eambbo go dan maid ealáhuslávdegottis leat geavahussii.

§ 3 DOARJJAORTNEGAT

Doarjaga sáhttá addit loatnan dahje eará doarjjaortnetgiid olis.

§ 4 FOANDDARUĐAID GEAVAHEAPMI

Ealáhusfoanda galgá geavahuvvot ovddidit ođđaásahusaid Unjárgga gielddas ja viidáset ovdánahttit doaimmaid mat juo leat gielddas. Nugo:

a) Eanandoalu, guolásteami boazodoalu ja lotnolasealáhusa doaimmaid

b) Doaimmaid maid Innovasjon Norge/Fylkkagielda dahje Sámi Ovdanahttifoanda eai ruhtat

c) Oahpahusdoaimmat

d) Doaibmagullevaš prošeavttat 

e) Čielggadeamit mat leat stuorra váikkuhussan gieldda ealáhussii.

f) Oktasašdoaimmat vuođđo- ja lotnolasealáhusain. Foanddaruđaid ii sáhte geavahit velggiid sihkkut, doaimmadoarjagii, dáhkádussii dahje ruhtadit gieldda dábálaš doaimma.

§ 5 LOATNA

Loana sáhttá addit ođđaásahusaide ja ođđa doaimmaid ovdánahttin oktavuođain mat leat namahuvvon § 4:s, čuokkis a-f. Ealáhusfoanda lea alimus ruhtadanortnet ja loanajuollodan eavttut leat eará loatna- ja doarjjaortnegat leat juo geahččaluvvon ávkkastallat. Loatna sáhttá addit seammá lotanaoanádus- ja reanttoeavttuiguin maid DU- geavaha. Loatna addojuvvo pántaloatnan dahje vealgebávirloatnan. Jos loana rihkku, vuovdá dahje bidjá pántan, dahje eará láhkái vuovdá/sirdá ealáhusfoandda loanaruđaid, máksojuvvo loatna ollásit.

a) Loatna eanandoalu, boazodoalu, guolásteami ja lotnolasealáhusdoaimma investeremiidda juolloduvvo gitta 20 % goluin, bajit rádjá lea sullii kr. 250.000.

 b) Loatna biergasiid investeremiidda mat eará almmolaš ruhtadanásahusat eai ruhtada, juollodit gitta 15 % goluin, bajit rádjá lea sullii kr. 250.000.

c) Loatna sáhttá juolloduvvot earenoamážit oahppoulbmilii, prošeaktabargui, guorahallamiidda ja oktasašdoaimmaide sullii gitta 10 % goluin, bajit rádjá lea sullii kr. 50.000.

 d) Nissoniid fitnodagat ja fitnodagat mat addet barggu nissoniidda ožžot loana lassiin 10 % oppálašgoluin go dat mii lea namahuvvon § 5 a ja b:s.

e) Johtti doalut ruhtaduvvojit loanain gitta 15 % goluin, bajit rádjá lea sullii kr. 50.000. 

§ 6 DOARJJA

Doarjja sáhttá oažžut ođđaásahusaid ja dálá doaimmaid ovdanahttin oktavuođain guovlluin mat leat čállon § 4 čuokkis a …quot; f vuolde, go doaimmas lea mealgat barggahus- ja ealáhuslaš árvu. Doarjja juollodeapmi eavttoda ahte lea geahččalan ohcat eará loana- ja doarjjaortnegiin.

a) Doarjja juolloduvvo eanandollui, boazodollui, guolásteapmái ja lotnolasealáhussii, gitta 15 % goluin, bajit rádjá lea kr. 75.000

b) Loatna biergasiid investeremiidda mat eará almmolaš ruhtadanásahusat eai ruhtada, juolludit gitta 10 % goluin, bajit rádjá lea sullii kr. 75.000.

c) Loatna sáhttá juolloduvvot oahppoulbmilii, prošeaktabargui, guorahallamiidda ja oktasašdoaimmaide sullii gitta 35 % goluin, bajit rádjá lea sullii kr. 75.000.

d) Doaimmain main leat erenoamáš stuorra barggolaš- ja ealáhusvuohta juollodit doarjja gitta kr. 150.000.

e) Doaimmat mat earenoamážit leat barggulašvuohtan nissoniidda ja beavttálmahttet ealáhusaid nissoniidda juolloduvvo doarjja lassiin 5 % oppálašgoluin go dat mii lea namahuvvon § 6 a ja b:s.

f) Johtti doalut ruhtaduvvojit doarjjain gitta 10 % goluin, bajit rádjá lea sullii kr. 30.000.  

§ 7 MÁKSIT FOANDDARUĐAID RUOVTTULUOTTA

Doarjja ja loatna oastit opmodaga, biergasiid, mášiinnaid j.n.a., sáhttá gáibidit ruovttuluotta máksit fondii jos dát vuvdojuvvojit dahje bidjojit eará geavahussii 5 jagi maŋŋá go doarjaga lea ožžon. Ruovttuluottamáksingáibádus sáhttá hárvut dađistaga. 

§ 8 HÁLDDAHUS

a) Unjárgga ealáhuslávdegoddi juolluda loanaid ja doarjjagiid.

b) Go čuovvovaš duođaštus biddjo ovdan, máksá foanda loanai ja doarjjagiid olggos: - háhkoduođaštus …quot; ollásit ruhtadan investeremiid …quot; dárbbašlaš dáhkádusat

c) Foandda háldenruđat galget ále sierra kontos báŋkkus ja reanttut mat dás bohtet biddjot fondii.

d) Ealáhuslávdegottis lea mearridanváldi loana hálddašeapmái. Dasa gullet: - oassemávssu mearrideapmi njuolggadusa rámmaid mielde …quot; maŋidit oassemávssuid/reanttuid, okta dahje eambbo termiinaid …quot; cieggadit rihkkudeami …quot; šiehtadit vealgeolbmuin j.n.a.

VUOĐĐOEALÁHUSFOANDA …quot; NJUOLGGADUSAT MO PRAKTIHKÁLAČČAT OHCAT INVESTEREN DOARJAGA EANANDOLLUI

1. Vuosttasinvesteremat, nu go biergasiidda/mášinnaide/tráktoriidda/šibihiidda, sáhttet oažžut doarjaga vuođđoealáhusfoandda njuolggadusaid ektui. Doarjja: gitta 15 % goluin, eanemus kr. 75.000. Loatna: gitta 20 % goluin, eanemus kr. 250.000

2. Loatna juolloduvvo vuođđoealáhusfoandda njuolggadusaid ektui divvumiidda/uhcit investeremiidda ja ođasmahttit mášiinnaid ja rusttegiid máksámušaide. Dákkár investeremat eai oaččo doarjaga.

3. Ođđasit gilvit eatnama/bajás bargat dološ eatnamiid/áiddit: doarjaga sullii 50 % oppálašgoluin, eanemus kr. 1.500 da.  Doarjja ii juolloduvvo jos gilvejuvvon areála lea eambbo go dállu dárbbaša dahje jos eai bargga gilvejuovvon eatnamiin maid maŋŋá sáhttá láddjet dahje lea eará ávkin.

4. Doarjja garaša hukset, divohaga ja doaibmavistti juolloduvvo vuođđoealáhusfoandda njuolggadusaid vuđul, gitta 15 % doarjagiin, eanemus kr 75 000, gitta 20 % loatna, eanemus kr. 250.000.Doarjaga addit doaimmaide gos šibitdoallobuvttadus lea unnimus 0,2 jahkebargu ja návetdáluide gos dilálašvuođat leat sihkkaris bargosajiide. Stuoridit náveha doarjut vuođđoealáhusfoandda njuolggadusaid mielde jos barggolašvuohta lassána.

5. Álggahandoarjja buolvadatmolssašeami ja návet oastin oktavuođain sáhttá juollodit gitta 50 % goluin, eanemus kr. 150.000. (gč. vuođđoealáhusfoandda § 6 d).

6. Investerengoluide mat leat vuollil kr. 15.000 ii juolloduvvo doarjja.

7. Vuođđoealáhusfoandda njuolggadusaid mielde, § 5 d ja 6 e, ožžot nissonolbmot alit doarjjamávssu.

8. Doaluin main leat vuollil 0,6 jahkebarggu ožžot duppal mávssu.

VUOĐĐOEALÁHUSFOANDA - NJUOLGGADUSAT MO PRÁKTIHKALAČČAT DOARJJA  OHCAT INVESTEREMIIDDA GUOLÁSTEAPMÁI

1. Vuosttasinvesteremat, nu go guolástanfánas biergasiiguin sáhttá oažžut doarjaga ja loana vuođđoealáhusfoandda njuolggadusaid ektui.

2. Loatna juolloduvvo vuođđoealáhusfoandda njuolggadusaid ektui divvumiidda/uhcit investeremiidda ja ođasmahttit/molsut mothora/mášiinnaid/biergasiid/firpmiid.Dákkár investeremat eai oaččo doarjja.

3. Jos eará guolástanfátnasat oastá, berre loatna dahje doarjja árvvoštallojuvvot barggolašvuođa ektui. (Jos stuorra fátnasa hahká dárbbašit go eanet bargit?) Doarja juolloduvvo erohus vuovdin- ja oastinsubmi vuođul.

4. Investerengoluide mat leat vuollil kr. 15.000 ii juolloduvvo doarjja.

5. Vuođđoealáhusfoandda njuolggadusaid mielde, § 5 d ja 6 e, ožžot nissonolbmot alit doarjjamávssu.