OVDASKUVLAOAHPAHEADDJIT JA FÁGABARGIT / ASSISTEANTTAT
Mii fertet viiddidit mánáidgárddi doaimma 100 % bistevaš virggiin sivas go mánáidlohku lea lassánan min gielddas, ja mii dárbbašit ođđa bistevaš 100 % virggiid mánáidgárdái.
Unjárgga gielda lea uhca sámegielddaš Nuorta-Finnmárkkus gos leat sullii 900 ássi. Gielda lea siskkit Várjjatvuonas. Vuonnabahta lea gieldda guovddáš. Gielddas lea vuogas ja čába luondu ja lea Nuorta Finnmárkku guovddážis. Vuonnabađas Čáhcesullui – lagamus gávpogii – lea sullii 5 miilla.
Gielddas lea plánejuvvon ođđa bajásšaddanguovddáža hukset, ja dát mielddisbuktá vejolašvuođa ahte skuvllat ja mánáidgárdi šaddet ovtta sadjái. Dát sisttisdoallá eanet ovttasbarggu skuvllain oktasaš fágabirrasis. Dán oktavuođas váldá mánáidgárdi/skuvla oasi ovdánahttinprográmmii PALS - Positiv Atferd, støttende Læringsmiljø og Samhandling.
Unjárgga mánáidgárdi lea sámi mánáidgárdi mii deattuha erenoamážit nannet ja ovdánahttit sámegiela ja –kultuvra. Gielddas lea bajimuš ulbmil ahte eanášat galget máhttit sámegiela. Mánáidgárddis leat ođđajagimánu rájes 31 máná guovtti ossodagas – Riebanbiedju ja Guolli, dán jagi mielde lasihit vel ovttain ossodagain. Mánáidgárdi lea Vuonnabađas. Mii geat bargat dáppe liikot bures leat olgun, ja mii geavahit aktiivvalaččat lagašbirrasa tuvrraide ja eará gelddolaš olgodoaimmaide oahppovuođđun.
Mii fertet viiddidit mánáidgárddi doaimma 100 % bistevaš virggiin sivas go mánáidlohku lea lassánan min gielddas.
Mis leat čuovvovaš dárbbut:
- Bistevaš virgi pedagogalaš jođiheaddjin 2 sámegielat ossodahkii farggamusat.
- Bistevaš virgi fágabargin/pedagogalaš assisteantan dárogielat ossodahkii cuoŋománu rájes.
- Bistevaš pedagogalaš jođiheaddji virgi dárogielat ossodahkii borgemánu rájes.
Mii ohcat du:
· Gii leat mielde nannemin mánáid ovdánahttinbirrasa, ja leat čeahppi oaidnit mánáid dárbbuid.
· Geas lea fágalaš beroštupmi mánáid ovdánahttimis, ja háliidat nannet iežat fágalaččat.
· Gii hálat sámegiela dahje háliidat oahppat sámegiela, ja dovddat ja čájehat positiiva guottuid báikkálaš sáme kultuvrii.
· Geas leat buorre gulahallan- ja ovttasbarganattáldagat mat leat mielde ovdánahttimin ja doalahit buori bargobirrasa.
· Gii leat čeahppi gávdnat čovdosiid árga beaivválaš hástalusaide.
· Gii leat mielde nannemin organisašuvnna proseassaid, nugo pedagogalaš fágabirrasa ja nuppástusaid ođđa bajásšaddanguovddáža ásaheamis.
· Gii máhtát doalahit buriid oktavuođaid vánhemiiguin vánhenovttasbargguin formálalaččat ja eahpeformálalaččat.
· Gii leat positiiva, buorremielalaš ja leat oskkáldas ja luohttevaš.
· Gii leat ovdal bargan mánáidgárddis, leat iešheanálaš ja doaimmahat
praktihkalaš doaimmaid.
Mii deattuhat relevántta oahpu, bargoduogáža ja persovnnalaš dohkálašvuođa.
Virggiide:
- Virgáinammadeamit dahkkojit gustojeaddji lágaid ja šiehtadusaid vuođul.
- Virgáinammadeamit buot virggiide vuođđoskuvllas gáibida dohkkehuvvon doavttirduođaštusa tuberkuliniskosiin mii lea váldon 3 mánu siste, ja dohkkehuvvon politiijaduođaštusa, gč. oahpahuslága § 10-9.
- Ohccit geat orrot heivemin virggiide bovdejuvvojit jearahallamii.
- Vearroovdamunit/alit mánáidruhta /vuoliduvvon lohkanloatna Stuorradikki njuolggadusaid mielde, gč.http://www.tiltakssonen.no/
Eanet dieđuid mánáidgárdevirggiide oaččut go riŋget tlf. 40 44 05 80.
Ohcanáigemearri : Njukčamánu 26.b. 2010.
Dáhttut referánssaid. Ohcan oktan cv:in, duođaštuvvon skuvla- ja bargoduođaštusaiguin sáddet čujuhussii: Unjárgga gielda / Nesseby kommune, 9840 Varangerbotn.
Skriv ut
Skriv ut
Tips en venn