The BlackSheeps Idrettsgallas

Maŋŋebárgga vulget Agnete, Emelie, Viktoria ja Alexander Trondheimii. Doppe leat golbma beaivve Krypten Studios ovttas Ulf Riisnesain gii oamasta studio ja lea njunnožis Tre Små Kinesere nammasaš musihkajoavkkus.  BlackSheeps čuojaha jáhkkimis ođđa lávlaga mii biddjo Itunes:ii mas olbmot sáhttet lávlaga viežžat. Lassin geahččaladdet čuojahit ođđa lávlagiid mat galget CD:ii mii vuordimis boahtá čakčii.  

Bearjadaga vulget dasto Hamarii gos čuojahit "Oro jaska beana"  Idrettsgallas. Čuojaheaddji  Bjarne Brøndbo áigu juoga erenoamážit čájehit, muitala NRK. Maria Mena lávlu iežas lávlaga "All This Time".

- Šaddá gelddolaš bargat studios, ja mii illodat čuojahit Idrettsgallas, lohket min supernásttit geat áin leat bajimusas áviisa VG`a norgga singellisttus, ja mannan vahko gorgŋo ovtta saji, 6. sajis 5. sadjái internašunála listtus "Oro Jaska Beana"  lávlagiin.