Unárgga sátnejođiheaddjis lihkkosávaldagat Raimo Vallei

Raimo Valle nammaduvvui sámi áššiid stáhtačállin Bargo- ja inkluderendepartementii maŋŋá go Berit Oskal Eira dáhtui beassat virggis. Valle lea guhká bargan sámi áššiiguin, ja leamaš e.e. politihkalaš čállin Ole Henrik Maggai dalle go son lei sámedikkepresideanta. Dattege lea Valle áigá jo botken ovttasbarggu NSR:in, ja leamaš maŋimuš jagiid áŋgiris bargiidbellodaga politihkár. Valle guođđá virggis Tromssa fylkkagielddas gos lei veahkke bargojoavkohoavdan fylkaráđđejođiheaddji kontuvrras. Sus lei virggis erenoamáš ovddasfástádus sámi áššiin.

Oktan lihkkusávaldagaiguin sádde Unjárgga sátnejođiheaddji Inger Katrine Juuso sutnje Stuorravuon-albmá poasttas.

Stuorravuonalmmái lea 4000 jagi boares olbmo – figura mii lea ráhkaduvvon dávttis ja lea gávdnon vistesajis Stuorravuonas. Juuso lohká ahte dát galggašii muittuhit Valle ahte Unjárga lea okta Norgga riggámus kultuvramuitoguovlluin ja ahte dáppe leat ássan olbmot jiekŋaáiggi rájes. Juuso doaivu maid ahte gielddas šadda buorre ovttasbargu unjárggalaččain stáhtačálli Raimo Vallein.