Unjárgga oahppogáldu lea rahpon!

Bajásšaddanguovddáža jođiheaddji, Berit Ranveig Nilssen lohká leat historjjálaš dáhpáhussan go ođđa skuvla lea huksejuvvon gildii.
Maŋimuš go dát dáhpáhuvai lei go Stuorravuonna skuvla huksejuvvui 1952:s.

Buot skuvlamánát ovtta robi vuolde
Bajásšaddanguovddážis leat mánát gaskal  0-16 jagi.  Sihke gieldda mánáidgárddemánát ja skuvlamánát galget seammá robi vuolde boahtteáiggis.

- Mun illudan fárret sisa ođđa guovddážii. Buot fágagelbbolašvuođat mánáid ja nuoraid dáfus leat dál čoahkkis. Buohkaide šaddá ođđa ja buoret dilli, dadjá Berit Ranveig.

Stuorra olgošillju
Stuorra olgošillju ja lahka lundui leat nana ovdamunit go mánát ja nuorat leat dál fárren ođđa dállui.
- Meahccái lea dušše moadde čuohte mehter.
Dat addá midjiide erenoamáš vejolašvuođa geavahit meahci skuvlaárgabeaivvis, lohká Nilssen.

Mánáidgárddemánáin lei vuosttas beaivi maŋŋebárgga ođđajagimánu 2.b.
Skuvlaoahppiin lei vuosttas skuvlabeaivi gaskavahkku ođđajagimánu 4. b.
 Dieđut vánhemiidda

Bajásšaddanguovddáža telefon nummirat