Vuonnamárkanat 2010
Olbmot orru leamen duhtavačča dán jagáš Vuonnamárkaniin, gos lei fidnemis oastit ollu čába ja buorit gálvvut ja njálgga borramušat. Vuonnamárkaniin oidnojedje maid ollusat geat ledje čiŋadan gávttiin.
Vuonnamárkanat leat šaddan árbevierrun Unjárgga gielddas. 2000 olbmo gallededje Vuonnamárkaniid vaikko ii lean buot čábbaseamus dálki. Buohkat ledje ovtta oaivilis ahte márkanat leat lihkostuvvan hirbmat bures. Vuonnamárkanat leat šaddan dovddusin earálágán ja gelddolaš márkanin, ja dán jagi ledje olbmot máŧkkoštan guhkás beassan dihte márkaniidda.
Vuonnamárkaniidda ledje dán jagi boahtán čájeheaddjit Norggas, Ruoŧas, Suomas ja Ruoššas. Sii vuvde čába ja buriid gálvvuid mat eai leat hivvodatbuvttadeamit ja vuvde maiddái borramušaid.
Dán jagáš Vuonnamárkaniin ledje maid:
-Motašovva
-Diehtojuohkin ”Báikenammaproševtta" birra Yngve Johansena bokte
-Gáktegilvu
-Heastariiden
Loahpas čuojahedje ”Vellykket fiasko” joavku
Árbevierrun lea maid šaddan revya ja feasta eahkedis maŋŋá márkaniid. Revyjoavku UNTAK čájehedje revya” Noe i gjærde!”, ja loahpas lei vel cowboyfeasta gos ”Union rose” joavku čuojahii.
Čálit
Skriv ut
Cavgil ustibii