• Fiskelykke
  • Reingjærde
  • Catwalk
  • Brygge
  •  17 mai
  • toppbilde 1
  • toppbilde 2
ledig-stilling-sam-100

Hás don álggát min ođđa sámegieloahpaheaddjin?

Mis lea rabas 100% sámegieloahpaheaddjevirgi. Bargui álgin farggamusat!

Unjárgga oahppogáldu ohcá ealljáris bargi, guhte bargá buoremusa min mánáid ja nuoraid ovdii vuođđoskuvllas!

Oahppogálddus leat dál oktiibuot 130 máná ja oahppi. Oahppogáldui gullet vuođđoskuvla, mánáidgárdi ja rávisolbmuidoahpahus. Buot mánát ja oahppit leat čohkkejuvvon seammá sadjái, ja danin mis lea erenomáš vejolašvuohta čuovvut máná/oahppi ovdáneami mánáidgárdeagis gitta dassážii oahppi geargá vuođđoskuvllas. Mii háliidit sihkkarastit buori oahppanbálgá juohke mánnái/oahppái, nu ahte mánná/oahppi dovdá oadjebasvuođa sirdašuvvat mánáidgárddis skuvlii ja skuvllas čuovvovaš cehkiide.

Min guovttegielat gielddas ásset sullii. 950 guoibmás olbmo. Oahppogálddus fállat guovttegielat oahppanbálgá, gos mánáin/oahppiin lea vejolašvuohta válljet sámegiela vuosttašgiellan.

Mii sáhttit fállat dutnje:

  • Positiivvalaš bargobirrasa
  • Bargosaji, mii olles áigge bargá ovdánahttinbargguiguin
  • Vejolašvuođa bargat ovttas iešguđet joavkkuiguin
  • Oahppanbirrasa, gos bargat PALS-modealla jurdagiin

Mis lea rabas 100% sámegieloahpaheaddjevirgi. Bargui álgin farggamusat

Virgái gáibidit gustovaš oahpu, gč. oahppogáibádusa maid stáhta gáibida.

Ohccit geain lea relevánta oahppu ja bargovásáhusat sáhttet virgáduvvot bargui skuvlajahkái 2019/20.

 

Mii ohcat bargi gii:

  • Dovdá sámegiela ja -kultuvrra ja leat positiivvalaš guottut dasa
  • Dus lea mokta ja miella leat mielde hukset mánáide buori bajásšaddanbirrasa ja dus leat attáldagat doaibmat mánáid dárbbuid mielde.
  • Dus lea fágalaš beroštupmi mánáid ovdáneami ektui ja dáhttu ovdánit ieš fágalaččat
  • Dus leat buorit gulahallan- ja bargonávccat, nu ahte leat mielde doalaheamen ja ovddideamen buori bargobirrasa
  • Don oainnát čovdosiid hástalusaide mat beaivválaččat bohciidit
  • Don leat mielde ovdánahttimin organisašuvnna oktasaš pedagogalaš gulahallanvuogádaga 
  • Dus lea máhttu ásahit ja doalahit buori oktavuođa vánhemiidda
  • Don leat positiivvalaš, luohtehahtti, lojála ja iešheanalaš ja dus lea bargomokta beaivválaš doaimmas
  • Dus lea bargoduogáš mánáidgárddis/skuvllas
  • ​Dus leat heivehallannákca rievdademiide mat sáhttet čuožžilit
  • Dus lea buorre gelbbolašvuohta digitála doaimmain.
  • Mii deattuhit persovnnalaš heivvolašvuođa 

 

Virggiide guoskevaš áššit:

  • Virgáinammadeapmi dáhpáhuvvá gustojeaddji lágaid ja soahpamušaid eavttuid ja geatnegasvuođaid mielde.
  • Vai galgá sáhttit virgáinammaduvvot Oahppogálddu bargin, de eaktuduvvo ahte ovdanbuvttát dohkkehuvvon politiijaduođaštusa.
  • Áigeguovdilis kandidáhtat bovdehuvvojit jearahallamii.
  • Relevánta oahppu, bargovásáhus ja persovnnalaš dohkálašvuohta deattuhuvvojit.
  • Ovdamunni vearuhusas / studerenloana geahpedeapmi Stuorradikki mearrádusaid mielde, gč. http://www.tiltakssonen.no/

 

Eanet dieđuid virggi birra oaččut doaibmajođiheaddjis tlf. 40440576.

Jus háliidat eanet dieđuid min birra, de sáhtát guovlalit min iežamet ruovttusiiddus nesseby.oppvekstsenter.no dahje min Facebook siiddus Unjárgga oahppogáldu / Nesseby Oppvekstsenter

Ohcanáigemearri: 06.10.19

Ohcan oktan referánssaiguin ja CV:in bijat ohcanportálii.

Duođaštusat váldojuvvojit fárrui jearahallamii.

Eat hálit ahte máinnusvuovdit váldet midjiide oktavuođa.

Mii vuhtiiváldit dušše ohcamušaid, mat sáddejuvvojit elektrovnnalaččat.

Tips en venn Tips en venn Skriv ut Skriv ut
Web levert av CustomPublish AS