• Fiskelykke
  • Reingjærde
  • Catwalk
  • Brygge
  •  17 mai
  • toppbilde 1
  • toppbilde 2
81949403_111685737033785_1304280056243159040_n

Mii lea Álšaguovddáš?

Álšaguovddáš lea gielddalaš bálvalus, mii galgá buoridit dearvvašvuođa. Ulbmiljovkui gullet olbmot geat buhcet, dahje geain lea várra buohccát ja dárbbašit doarjaga rievdadit eallindábiid ja birget dearvvašvuođahástalusaiguin. 

Álšaguovddáš heive dutnje, gii háliidat:

  • Oažžut veahki álgit hárjehallat
  • Oažžut veahki heaitit borgguheamis dahje geavaheamis snuvssa
  • Oažžut veahki borrandábiid rievdadit
  • Jus dutnje lea váttis nahkáriid rohttet, sáhtát searvat nagirkursii

 

Álšadálkkasčujuhus

Jus dus lea álšadálkkasčujuhus, de don fidnet bagadallama Álšaguovddážis 12 vahku, dahje guhkit áigge jus lea dárbu. Dus lea ságastallan dearvvašvuođa birra Álšaguovddážiin go álggahat ja go loahpahat bálvalusas. Don oaččut eambbo álšaságastallanáiggiid jus dárbbašat. 

Čujuheapmi Álšaguovddážii

Doavttir, dearvvasvuođabargit dahje NAV sáhttet čujuhit olbmuid Álšaguovddážii dahje olbmot sáhttet ieža váldit oktavuođa guovddážiin.

 

Gos

Álšaguovddáš  lea dearvvašvuođaguovddážis Nyborggas. Gávnnat min go manat sisa nuorttabeale uskkádagas.

 

Oktavuohta

Kantuvraáigi lea gaskavahkuid gaskal diibmu 08:30 ja 15:30.

Muhto muđui sáhtát oaččut oktavuohta telefovnna ja e-poastta bokte.

Tlf. 41456161

e-poasta Ohs@tanafysikalske.no 

 

Haddi 

Iežasoassi 12 vahkus lea 300 ruvnno. 

 

Álšaguovddážakordináhtor

Ole Henrik Somby

Tips en venn  Skriv ut
Web levert av CustomPublish AS