Mánáidsuodjalanbálvalus ohcá galledanruovttu/astoáiggeáirasa
Unjárgga ja Deanu mánáidsuodjalusbálvalus ohcá bearrašiid, ja dorvvolaš ollesolbmuid veahkkin mánáide, nuoraide ja vátnemiidda geat leat šaddan hearkkes dillái.
Galledanruoktun dahje astoáigeáirrasin dus/dis ferte leat arva, vejolašvuohta ja miella veahkehit mánáid ja nuoraid geat dárbbašit veahki.
Mii lea astoáiggeáirras?
Muhtumin mánát ja nuorat dárbbašit veahki vai oččošedje sosiála eallima ja buori astoáiggi. Astoáiggeáirras veahkeha máná/nuora sosiála ovttastallama bokte ja iešguđetge astoáigge doaimmaiguin. Dát sáhttá ovdamearkka dihtii leat galledeapmi ruovttus, leat veahkkin skuvlabihtáiguin ja faláštallandoaluiguin, dahje eará sosiála doaimmain. Astoáiggeáirasa mihttomearrin livččii veahkehit máná šaddat oadjebas iehčanis, ahte son oahppá birget iešguđetlágan eallindilálašvuođain, ja maiddái ahte son ovttastalašii eará olbmuiguin.
Dus ii vurdojuvvo leat makkárge erenomáš oahppu, jus hálidat beassat galledanruoktun dahje astoáiggeáirrasin. Badjel 16 jahkásaš nuoraid sáhttit árvvoštallat beassat astoáiggeáirrasin, muhto galledanruoktun beassan lea gáibádussan ahte leat 18 jagi boaris. Persovnnalaš heivvolašvuohta deattuhuvvo almmatge eanemusat. Dus gáibiduvvo ahte vuolláičálát jávohisvuođacealkima ja buvttát dohkálaš politiijaatteastta.
Jus imaštalat heivežitgo don dahje doai galledanruoktun dahje astoáiggeáirrasin, de háleš fal minguin. Minguin hállan lea geatnegahtekeahttá, iige čana du masage. Váldde oktavuođa: Jannice Utsi Onseng, tlf. 40 44 06 15 dahje Liss Mikaelsen, tlf. 40 44 06 14, Unjárgga ja Deanu mánáidsuodjalusbálvalusas.
|
Ahki |
Goluid gokčan |
Vuođđoruhtadeapmi |
Buhttadus oktiibuot |
|
0-10 jagi |
357 |
922 |
1.279 |
|
10 jagi ja boarrásabbot |
412 |
922 |
1.334 |
Láidesteaddji ruhtadanortnet galledanruktui, juohke máná ovddas ovtta jándorii 2022 golggotmánu rájes:
Astoáiggeárasiidda lea sierra ruhtaortnet, mii šihttojuvvo virgáibidjamis.