Barggut Vuonnabađa johtolatguovddášsajiin
Mii vásihat ahte lea leamašan stuorra beroštupmi bargui, mii guoská Vuonnabađa johtolatguovddášsadjái, ja almmuhit dan dihtii dás 2017 regulerenplána, masa gullet plánamearrádusat, regulerenplánakárta, fágaraporta eanavuođu birra (assodat, šládja, lávdan), fágaraporta eanadatarkitektuvrra birra, gulaskuddancealkámuš plána birra ja advokáhttafitnodaga gáibádus regulerenplána nuppástuhttima birra.
Unjárgga gielda bargá dál dainna ahte mannat čađa dokumeanttaid, mat gusket advokáhttafitnodaga gáibádusa regulerenplána nuppástuhttimii. Dát lea ádjálas bargu dan geažil go gieldda bargit leat molsašuvvan 2017 rájes.
Lea dehálaš diehtit ahte politihkkálaččat dohkkehuvvon ja mearriduvvon regulerenplánas lea njuolgga riekteváikkuhus priváhtaolbmuide ja almmolaš eiseváldái, ja gusto dan dihtii maiddái Unjárgga gildii. Riekteváikkuhusat mielddisbuktet ahte plána mearrádusaid ja eavttuid galgá čuovvut go leažžá doaibma plánaguovllu siskkobealde.
Veaháš dieđut regulerenplána duogáža birra
Stáhta luoddadoaimmahat ráhkadii 2017:s regulerenplána evttohusa johtolatguovddášsadjái Vuonnabađas. Plánabarggu ulbmilin dalle leai ráhkadit dárkilvuođamuddema johtolatguovddášsadjái, dan lávdái/sulloi, vázzin- ja sihkkelluddii, golmma ođđa ealáhatduktagii ja daidda gulli sisráhkadussii, ja maiddái biilabisánansadjái. Regulerenplána mielde galgá:
- Ásahuvvot ođđa eretvuodjinluodda johtolatguovddášsadjái, mii ii leat rabas eará johtolaga várás.
- Huksehit ođđa boahtinluotta E6:žis ealáhusduktagiidda, mat leat plánaguovllu mátta/nuortta bealde.
- Dálá boahtinluodda davvin E6:žis Varangerkroai giddejuvvo johtolatsihkkarvuođa sivain, nappo hálidit čorget dálá eahpevárddus johtolatgova.
- Dálá boahtinluodda nuortan E6:žis Varangerkroai divoduvvo ja heivehuvvo, vai heivežii odná stándardagáibádussii. Ođđa rasttildat E6:ža badjil lávttasta dálá vázzin- ja sihkkelastinluotta/váccáhaga ođđa vázzin- ja sihkkelastinluottain johtolatguovddážis.
- Huksejuvvo váccáhat gielddalaš biilabisánansadjái, mas lea oktavuohta johtolatguovddášsadjái ja ealáhusduktagiidda.
Stáhta luoddadoaimmahusas leai ovddasvástadus plánabargguin ja gulaskuddancealkamušaid čoaggimiin. Plánaevttohus sáddejuvvui dasto Unjárgga gildii/Nesseby kommune:i, man Unjárgga gielddastivra dohkkehii juovlamánu 15. beaivvi 2017.
Plánaevttohusa hábmii Stáhta luoddadoaimmahusa siskkáldas prošeaktajoavku ja dán barggus sii gulaskudde Unjárgga gielddain ja Finnmárkku fylkkasuohkaniin.
Dokumeanttaid gávnnat dás:
- Planbeskrivelse kollektivknutepunkt
- Planbestemmelser kollektivknutepunkt
- Reguleringsplankart kollektivknutepunkt
- Fagrapport grunnforhold kollektivknutepunkt
- Fagrapport landskapsarkitektur kollektivknutepunkt
- Høringsinspill kollektivknutepunkt
- Protokoll Kommunestyret vedtak 15.desember 2017
Begjæring om omgjøring endring av reguleringsplan fra advokatfirma