Unni Ursin Jernsletten šaddá ođđa rektorin Unjárgga oahppogáldus

Unni lea vázzán oahpaheaddjeoahpu ja lea adjunkta, ja son lea áitto gárvánan montessoripedagogan. Son lea bajásšaddan Deanus ja lea ieš vázzán guovttegielat skuvlla – sámegielat dárogielat – ja dán bokte son dovdá gielaid, kultuvrra ja báikkálaš dili bures. 

Unnis lea guhkes hárjáneapmi skuvllaásahusain, earret eará Seaiddá skuvllas, Deanu šaldi skuvllas ja Tana Montessoriskole:s, gos son maiddái lea bargan skuvllajođiheami bargguiguin. Barggu bokte Unni lea ahtanuššan vuogádaga man vuođđun lea ovttasbargu, čielga gulahallan ja buorre vuorroságastállan olles skuvllabirrasis. Sutnje leat dehálaš áššin ohpiid ollislaš ovdáneapmi og fátmmasteaddji oahppanbiras skuvllas. 

Dán geasi Unni fárrii máttás oanehis botta, muhto áibbašeapmi Oarje-Finnmárkui oaččui su ohcat rektor virgái Unjárggas. Son govahallá dán barggu gelddolažžan ja movttiidahttin, ja son illuda álgit virgái. 

Mii sávvat Unni Ursin Jernslettenii váimmolaš bures boahtima!