ledig-stilling-sam-100

Hálddahushoavda

Mii fállat gáibideaddji ja gelddolaš hoavdavirggi gos don ovttas gieldda mielbargiiguin oaččut guovddáš rolla gieldda ovdánahttimis.

Miella hovdet bures doaibmi gieldda?

 

Unjárgga gielddas leat sullii 950 ássi, ja gielda lea guovddáš báiki Várjjatvuona bálddas, Finnmárkku fylkkas. Gielda gullá sámi hálddašanguvlui ja lea sihke guovttegielalaš- ja guovttekultuvrralaš gielda (sámi ja dáro). Gielddas lea šláddjás luondu gos leat vuotna, várit/bávttit, guollejávrrit, ja dáppe leat buorit čuoigan- ja muohtaskohterláhtut. Dáppe lea vejolaš sihke smávvafuođđuid ja fuođđuid bivdit. Kommunikašuvnnat leat buorit go gaska girdinšiljuide Čáhcesullui ja Girkonjárgii ii leat guhki. Girdináigi Osloi lea sullii guokte tiibmu.

 

Unjárgga gielda gullá Davvi-Tromssa ja Finnmárkku doaibmaavádahkii gos lea vuolit vearromáksin ja oahppoloana ruovttuluottamáksin vuoliduvvon.

Unjárgga gielda ohcá jođiheaddji gii lea dorvvolaš ja geas leat čađahannávccat ovttastahttit jođiheami ja doaimmalašvuođa. Don leat boađusáŋggirdeaddji ja nákcet  politihkalaš dási ja gieldda mielbargiid gaskka hukset buori gaskavuođaid. Dus lea alit oahppu ja relevánta jođihanhárjáneapmi.

Mii fállat gáibideaddji ja gelddolaš jođihanvirggi gos don ovttas gieldda mielbargiiguin barggat guovddážis gieldda ovdánahttinbargguiguin. Mis lea ođđa bajásšaddanguovddáš ja mis lea mánáidgárdefálaldat. Min dáhttu lea ahte ohcci ássá dahje ásaiduvvá Unjárgga gildii.

Unjárgga gieldda ohcá jođiheaddji guhte:

·       Láhčá dili nu ahte beaktilit ovddidit bálvalusaid politihkalaš njunnošiiguin ovttas

·       Ásaha buriid gaskavuođaid organisašuvnnain, politihkkáriiguin, gieldda ássiiguin ja ealáhusaiguin.

·       Ásaha buorre bargobirrasa ja buori ovttasbargu luohttevašolbmuiguin.

·       Sihkkarastá ahte Unjárgga gielda lea álelassii riekta organiserejuvvon ja dimenšonerejuvvon.

·       Sihkkarastá dárbbašlaš fágalaš gelbbolašvuođa organisašuvdnii.

·       Dárkilit ja áŋgirit čuovvula bohtosiid.

·       Oažžu konstruktiivva plánaproseassaid johtui ja dáhtu ollislaš stivrejumi ja boađusdigaštallama.

·       Laktá oktii politihka ja hálddahusa.

·       Dovdá lágaid ja šiehtadanortnega mii regulere gieldda surggiid bealálašovttasbarggu ja tariffasoahpamušaid.

·       Váldá ovddasfástádusa ja duostá delegeret ja addit mielbargiide

doaibmanvejolašvuođaid.

 

Gelbbolašvuođat:

·       Alit oahppu ja buorre ekonomiijaáddejupmi.

·       Sáhtát duođaštit buriid hovdenbohtosiid almmolaš dahje priváhta doaimmain ja áinnas jus leat bargan nuppástuhttin ja -ovdánahttinbargguin.

·       Gulahalat bures sihke čála- ja njálmmálaččat.

·       Virgáinammadeamis deattuhat persovnnalaš heivvolašvuođa.

·       Mii deattuhit buori sámegiela ja  -kultuvrra dovddolašvuođa.

 

Šiehtadit bálkká. Gielda veahkeha háhkat ásodaga/ássanviesu.  Gažaldagat virgái oaččut gieldda sátnejođiheaddjis, Knut Store tlf. 40440501, dahje ekonomiijahoavddas, Per Øyvind Paulsen tlf. 40440590.  

Ohcanáigemearri lea: skábmamánu 22. b. 2018

07.11.2018 Máret Ingá Smuk
Tips en venn  Skriv ut