• Fiskelykke
  • Reingjærde
  • Catwalk
  • Brygge
  •  17 mai
  • toppbilde 1
  • toppbilde 2

Bures boahtin min gildii!

Mii sávvat dutnje bures boahtima gildii gos lea erenoamaš luondu,
buorit ja ustitlaš olbmot. Dáppe lea lahka vuolgit meahccái, váriide,
duoddariidda, buorre guollejávriide, luossajogaide ja bivdit dán
guollás Várjavuona. Jos boađát min guossái,  de
sáhtát oahppásmuvvat guovllu ássiide, lupmet, bivdit luosa ja sávjaguliid,
čakčat loddet, bivdit meara dahje váccašit meahcis ja návddašit dan čáppa
luonddu. Dáhkidetnet dutnje muosálaš dili.
Turistinformasjonen

Unjárgga gielda lea Finnmárkku fylkkas ja gullá Várjjat regiovdnii ja sáhttá ge gohčodit guovllu uhca Davvikalohtažin. Guovllu historjá lea gelddolaš, ja olbmuin geat ásset dáppe leat máŋgga iešguđetlágán našunalitehta. Dáppe sáhtát deaivat mearrasápmelaččaid, badjeolbmuid, dážaid, kveanaid, ruoššaid ja earáge našunalitehtaid. Guovlu lea niehkoguovlun meahcástallamii, okta Eurohpá davimus buiga meahcceguovlluin. Jus buorebut háliidat oahpásmuvvat guovlluin ja min historjjáin, de lea buorre álgun gallestallat  Várjjat Sámi Musea.

Fina maid galledeamen Helmer Losoa Mearrasámi musea  Builuovttas

Gánnáha maiddái galledit  Ceavccageađggi Kulturmuitoguovllu. Váccaš doppe beaivvadahkan muhtin ovdalgaskabeaivve, dahje muhtin čáppa eahkeda dán rabas luonddus mas leat ollu mearkkat 10 000 jagi ássamis.

Beaivetuvrii Várjavuongátte lea  heivvoleamos vuolgit Unjárggas.  Dáppe leat olu boradan ja ijastaddan  vejolašvuođat.  Jos bivdinmiella, de sáhttát láigohit fatnasa.  Eat dáhkit maidege, muhto guliid veaját goddit Norgga guollámus vuonas.

Anárašmáđđe

Anárašmáđđe, historjjálaš johtolat- ja gávpegeinnodat Suomas Norgii lea ođđasit merkejuvvon.  Máđiid miel bohte vearrogáibideaddjit ja gávppálaččat, birkalaččat, Várjjagii, ja dáid mátkkiid sáhttet čálalaš gáldut duođaštit gitta 1500-lohkui.
Anársámit bohte deikke guolástit ja olusat ásuiduvve Várjavuongáddái. Máđiid leat bivdit ja badjeolbmot čuvvon/geavahan gitta 1950- lohkui ja maiddái fuolkegallestallamii goabbat beald rájá.

Min ulbmil lei go ođđasit merkiimet máđii ahte arvvus atnit dehálaš kulturmuittu Davvikalohttas. Buohkat geat vádjolit máđii mielde, fievrridit dieđuid máđii birra viidásat ja bálggis ii savvo gitta.

Jahkásaččat lágiduvvo Anárašmađđevázzin ofelaččain.. Eanet dieđuid oaččut Kulturkontuvrras.  Máđii GPS-logga viežžá dás.

Loga eambbo makkár vejolašvuođat leat  Unjárggas

 Loga eanet Unjárgga fálaldagain dás.

Ijastaddanfálaldagat:

Rissebávtte  barta/hyttá ja fanasláigohat

Unjargga gielddas. Ođđaáigásaš hyttát Rissebávttes, suojes ja čába báikkis. Mearra, luossajogat ja jávrrit leat dás lahkosis. Buorre lodden-, oaggun ja lottiid geahččanguovlu. Mearrasámi kultuvra, vuonnabivdu, rievssatbivdu, krabbabivdu, gaskaijabeaivváš, luossabivdu, árktálaš šattut, erenoamáš ja čába luondu maid dušše Finnmarkkus gávnnat.

Web: http://home.online.no/~annliel/index.cfm


Jegerstua ijastanbáiki

Vuonnabađas, gieldda guovddášis. Ijastanbáikkis leat 8 lanja dušša ja hivsset. Oktasaš kievkkan ja TV-latnja. Sáhttit maid láigohit uhca ásodagaš. Lahka meahccái ja eará fálaldagaide gielddas.
Mearrasámi musea  Builuovta


Lassin daid erenoamáš mearrasámi atnuávdnasiid vuorkkáin  fállá  maid Helmer Losoa eaŋkalis idjadansajiid, albma  sávnni muorraoapmaniin ja hillagoađi olbmuide geat háliidit orrut Builuovttas muhtin beaivvi. Mátkkálaččat guđet leat geahččalan bivdit Várjavuona leamašan  duhtavaččat fálaldagain.

 

 

Trattoria Capri

 

Resturanta/boradanbáiki Vuonnabađas Italienska  meny:in. Pizza, pasta + ja maiddái eará. Rahpanáiggit  11-23, bea-láv. 11-02, sot.: 11-22. Meny: Gazette+Capri.pdf

Varanger bilberging AS

Varanger bilberging lea lassin gádjunbargguide maiddái mielde Rent a wreck gávpeovttastusas. De dáppe lea vejolaš láigohit biilla, mohtorsykkel ja muohtaskohtera oktan reagain/gielkkáin.

http://varangerbilberging.no/article.php/2/Tjenester

Varjjat Ferie og Fritidssenter

Varjjat Ferie og Fritidssenter lea sullii vihtta kilomehter Vuonnabađas nuorttas, Cáhcesullo guvlui. Viesus leat guokte bearašlanja ja lassin duppal- ja eaŋkal latnja, oktiibuot ovcci seaŋgga. Lea vejolaš bidjat eanet seaŋggaid.
Astoáiggevisti lea čába sajis, lahka meara. Dás lea lahka vázzilit meahccái, bivdit meara, jogaid ja jávrriid. Fanasláigohat. Sáhttit fállat ofelastton tuvrraid.

Hjemmeside; varjjat.com







Tips en venn Tips en venn Skriv ut Skriv ut
Web levert av CustomPublish AS