• Fiskelykke
  • Reingjærde
  • Catwalk
  • Brygge
  •  17 mai
  • toppbilde 1
  • toppbilde 2
vsmlogo

Oza geassebarggu Várjjat Sámi Museas

Geassemánu 16.beaivves gitta borgemánu 19 beaivái dárbbašat mii gaiddaid/ diehtojuohkinbargiid sihke museas Vuonnabađas ja Ceavzzegeađggi infohállas.

 

 

Geassebargu 2012

 

Mii ohcat ofelaččaid/turistainformánttaid

 

Geassemánu 16.beaivves gitta borgemánu 19.beaivái dárbbašat ofelaččaid/diehtojuohkinbargiid sihke museas Vuonnabađas ja infohállas  Ceavccageađggis. Don fertet leat deavdán 18 jagi, liikot hállat olbmuiguin, áinnas galggašit máhttit máŋga giela ja dovdat lagas guovllu ( loga eanet váldoteavsttas). Ohcanáigemearri: miessemánu 14.beaivve.

 

Mii lágidat guiden-kurssa geassemánu 15.-16. beaivve -  dieđuid sáddet ovddalgihtii.

Bargoáigi lea tii.10-18 juohke beaivvi, muhto lea turnusbargu ovttas eará ofelaččaiguin, nu ahte šaddet friddjabeaivvit gaskkohagaid.

Bargu lea: Ofelastit musea čájálmasas ja Ceavccageađggi kulturmuitobáikkis ( dušše diŋgomiid oktavuođas), bargat musea buvddas ja diehtojuohkinhállas Ceavccageađggis, turisttaide juohkit dieđuid, doallat buvdda ja eará guosselanjaid ortnegis, bassit váffeliid ja vuoššat káfe, čorget ja bassat bevddiid. Ceavccageađggis galget hivssegat bassut ja don galggat čállit turista-statestihka. Beaivvi loahpas loahpahat ruhtakássa. Don galggat maid leahkkut ja lohkadit musea/infohálla uvssaid.

Don leat Unjárgga gieldda musea almmolaš ámadadju, nu ahte ávžžuhat du leat sihke láđis, movtta ja leat geasuheaddjin; don galggat leat sáhkkii ja čájehit beroštumi gussiide. Dasa lassin lea dehálaš ahte leat dárkil, nu ahte turistat eai boađe lohkka uvssaid duohkái.


Ohcanáigemearri: miessemánu 14.b.

 

Ohcamuša oktan CVan sáddet maila bokte (info@varjjat.org) dahje poasttas: 9840 Vuonnabahta. Jus leat gažaldagat, riŋge 7895 9920.

Muital guđe áigodaga háliidat bargat, makkár gielaid máhttát. Báikkálaš máhttu deattuhuvvo.

 

Loga eambbo: www.varjjat.org

 

 

 

Tips en venn  Skriv ut
Web levert av CustomPublish AS