• Fiskelykke
  • Reingjærde
  • Catwalk
  • Brygge
  •  17 mai
  • toppbilde 1
  • toppbilde 2
johan-andersen

Unjárgga gielda sávvá lihkku Johan Andreas Andersenii bálkkašumi ovddas.

Johan Andreas Andersen oaččui Áillohaš bálkkašumi

Johan lea juoigan nuorravuođa rájes. Dáinna lágiin lea ealáskattan mearrasámiid luđiid maiddái dalle go luohti ii lean nu bivnnut. Son lea guhká doaibman luohte- ja máinnas resursaolmmožin sámis, ja lokten iešdovddu mearrasámiid gaskkas iežas čehppodagain.

 

Son juoigagođii álmmolaččat 1970-logu álgguin. Dan rájes lea doallan ollu konsearttaid, ja maiddái oasálastán Rikskonsertena turneain máŋgii ja lea maiddái johtán Hurtigrutain máŋga geasi ja doppe juoigan. Son lea almmustahttán golbma skearru; vuosttaš ovttas Olav Dikkaneniin 1984:s. Maŋŋil lea almmustahttán guokte CD gos Várjjaga luohteriggodat lea guovddážis. Muđui lea oasálastán máŋga juoigan- ja máinnasprošeavttain, ovdamearkkadihte oahpponeavvoprošeavttas gos luohti lei guovddážis..

Johan Andreasa haga ii livčče Várjjat-luohti nu ealás go odne lea, go son lea čohkken ja čállán Várjjat-luđiid mat gávdnojedje dušše njálmmálaččat.

 

 

 

 

 

Áillohaš-musihkkabálkkašupmi ásahuvvui Nils-Aslak Valkeapää 50 jagi beaivvi oktavuođas jagis 1993.

Áillohaš-musihkkabálkkašupmi geigejuvvo musihkkárii, juoigái dahje olbmui gii ovddida sámi musihka. Bálkkašupmi geigejuvvo juohke jagi Sámi Grand Prix - gilvvu oktavuođas. Bálkkašupmin lea diploma ja 25.000 kr. maid Guovdageainnu Sámiid searvi ja Guovdageainnu suohkan leat addán.

Tips en venn  Skriv ut
Web levert av CustomPublish AS