Ođđa fysioterapevta gielddas!

Dál sáhtát diŋgot tiimmu fysioterapevtta Tonje Kristine luhtte!

Su gávnnat dearvvašvuođaguovddážis Nyborggas,  fysioterapevtta lanjain.

Don sáhtát diŋhot tiimmu tlf: 404 40 655 dahje sáddet maila: tonje.fysio@hotmail.com. Jus lea gažaldagat, de válddá oktavuođa minguin.

Fysioterapevta báikkálaš čanastumin.

Tonje Kristine Nilssen lea riegádan ja bajásšaddan Stuorravuonas, ja lea maŋemus jagiid orron ja bargan Romssas. Son gearggai fysioterapevtan Romssa universitehtas 2018:s, ja sus lea leamašan liseanssa 2019 rájes.

Sus lea viiddis vásáhusat vuorrobarggus Mátta-Várjjagis, priváhta klinihkas Romssas, gaskaboddosaš barggus Unjárggas, ja ViGØR rehabiliterenbuohcciviesus.

Tonjein oažžu gielda fysioterapevtta geas leat báikkálaš čanastupmi ja sámi giella- ja kulturgelbbolašvuohta, mas lea stuorra árvu ássiid deaivvadeamis.

Mii sávvat Tonjii bures boahtima ruovttoluotta Unjárgii!