Lasiha ássandoarjaga – álkidahttá huksema Unjárggas
Solsiden boligfelt
Unjárgga gielda nanne dál ássandoarjjaortnega. Ulbmil lea buorebut láhčit dili fárremii, ássamii ja ođđa visttehuksemiidda gielddas.
Gielddastivra lea mearridan lasihit alimus doarjjasumi juohke ohcci nammii 250 000 ruvnnus 400 000 ruvdnui.
– "Eanet huksengolut dahket ahte oallugiidda lea hástaleaddji ollašuhttit ásodatniegu. Lassi doarjagiiguin háliidit álkidahttit huksema, ja seammás lasihit aktivitehta ja ovdáneami gielddas", lohká gielddadirektevra.
Movttiidahttit fárremii ja báikkálaš ovdáneapmái
Doarjjaortnet galgá leat mielde lasihit viessohuksema ja nannet ássama Unjárggas. Ortnet lea erenoamážit oaivvilduvvon olbmuide geat háliidit hukset ja orrut iežaset visttiin gielddas.
Ohccit fertejit eret eará
- Hukset ođđa vistti gildii
- Ássat visttis unnimus guokte jagi
- Dokumenteret prošeavtta, ruhtadeami ja ovdáneami
Nuorra vuosttašgeardde ássi, mánnáolbmot ja ovddeš ássit geat háliidit fárret ruovttoluotta, vuoruhuvvojit jus leat ollu ohccit.
Beali goluin sáhttá oaččut doarjaga
Doarjja sáhttá leat gitta 50% dokumenterejuvvon huksengoluin, mas lea rádji 400 000 ruvnno juohke prošektii.
Ortnet lea ođđa vistiid huksemii ja ii guoskka ástoáiggevisttiide dahje láigoprošeavttaid.
Ruhtadoarjja
Maŋŋel go doarjjarámma lasihuvvui, de lea gielddas dál badjel 2,2 miljovnna ruvnno ortnegii. Dát addá vejolašvuođa doarjut eanet vistehuksenprošeavttaid boahtteáiggis.
Sist oppdatert
Vistedoarjja
Álggahanloanat ja doarjagat gielddas sáhttet leat veahkkin dutnje geas leat leamaš guhkes áiggi váttisvuođat oažžut loana dábálaš báŋkkus oastit dahje heivehit iežat vistti. Muhtin oktavuođain sáhttá gielda ovttastahttit álggahanloana ássandoarjagiin.