Mánáidgárdi

Ohcan dahkko digitálalaččat, ja liŋka ohcanskovvái gávnnat vuolimis teakstabovssas olgeš bealde.

Sisaváldin dahkko hálddahuslaččat olles jagi, ohcanáigemearri lea unnimustá 2 mánu ovdal sávahahtti álgima.

Sisaváldin mánáidgárdái regulerejuvvo áššemeannudannjuolggadusaid vuođul.

Váidda

Vástádus mánáidgárdesaji ohcamuššii lea individuála mearrádus ja dan sáhttá guoddalit almmolaš hálddašanlága 28 § vuođul. Áigemearri guoddalit lea 3 vahku dan rájes go ohcci oaččui dieđu mearrádusa birra. Sisaváldinmearrádus lea individuála mearrádus hálddašanlága vuođul ja dan sáhttá ohcci guoddalit. Guoddaleapmi galgá ovddiduvvot golmma vahku siste dan rájes go ohcci lea beassan diehtit sisaváldima birra.

Váidaga sáddet Unjárgga oahppogáldui mánáidgárdde bokte. Váidagis berret čilget dan nuppástusa maid dáhttut. Jus váidda ii váldo vuhtii de sáddejuvvo dat viidásat giellda váiddalávdegoddái, loahpalaš mearrádussii.

Beaivestuvra mánáidgárdde beivviin addá mánáide diehttevašvuođa ja oadjebasvuođa.

• 07.30 Mánáidgárdi rahppo
• 07.00-9.00 Mánát borret iđitborramuša mii sis lea mielde go jovdet mánáidgárdái. Mánát geat bohtet maŋŋá tii.09.00 galget leat boradan ruovttus, og doaimmat álget tii. 09.00 rájes.
• 9.00 Fertet dieđihit mánáidgárdái jus mánás lea friiddja dahje boahta maŋŋelis! Geavat MyKid dahje telefovnna/SMS dieđuide.
• 9.00-14.00 Guovddášáigi. Eanáš plánejuvvon doaimmat leat dán áigodagas.
• 10.00-11.00 Lunša, heivehuvvon ossodagaide
• 14.00 Borastat láibbážiid ja šattuid
• 16.00 Mánáidgárdi gidde, bargiid bargoáigi nohká.

Vaikko leat ráhkadan beaivválaš rutiinna, de lea seammás dehálaš fuomášuhttit ahte mánáidgárdi sáhttá veahkkin heivehit rutiinnaid earret eará sihkkarastit mánáid oassálastima.

Ovttasbargu váhnemiiguin dáhpáhuvvá váhnenráđis, váhnenbargolávdegottis, ovttasbargolávdegottis ja váhnenčoahkkimiin.

Váhnenráđis leat buot váhnemat/ovddasteaddjit mánáidgárddis. Váhnenráđđi vállje guokte ovddasteaddji mánáidgárddis persovnnalaš várrelahtuiguin váhnenbargolávdegoddái.

Ovddasteaddjit váhnenbargolávdegottis (FAU) doibmet gulahallanolmmožin gaskal váhnemiid/fuolaheddjiid ja mánáidgárddi. Mánáidgárddis lea oktasaš FAU skuvllain.

Ovttasbargolávdegoddi (OL) lea ráđđeaddi ja oktavuođaorgána. Mánáidgárddi FAU ovddasteaddjit mánáidgárddis čohkkájit maid OL:s.

Vánhemiid oassálastin sihkkarasto maiddái váhnenčoahkkimiid bokte gos fokus lea ollislaš pedagogalaš fálaldat mánáidgárddis, ja váhnenságastallamiin gos fokus lea ovttaskas máná ovdáneapmái.

Borgemánu 1. beaivvi 2023 rájes ožžogohte buot mánát Finnmárkkus ja Davvi-Romssas (doaibmaguovlu) nuvttá mánáidgárdesaji.

Jus maŋŋit viežžat máná 

Jus maŋŋit vieččat máná, de šaddá vánhen/fuolaheaddji máksit 400 ruvnno liige divvaga mii gokčá bargiid badjeláiggebálkká.

Jahkeplána vieččat dás 2023-2024. pdf, 1 MB, opens in new window.

Unjárgga bajásšaddanguovddáš lea PALS bajásšaddanguovddáš. PALS mearkkaša Positiiva doaibma, oahppanbiras ja ovttasdoaibman. PALS barggus biddjojuvvojit čielga vuordámušat sihke ollesolbmuide ja mánáide, ja mis leat golbma váldonjuolggadusa mat leat vuođđun min doaimmaide: Čájet ovddasvástádusa – čájet beroštumi – čájet gudnejahttima.

Dat ahte mii leat sámi mánáidgárdi boahtá maid oidnosii pedagogálaš barggus. Sámi kultuvrras lea guovddážis máná iešheanalašvuođas, mii mearkkaša maiddái ahte mánát galget beassat searvat buot proseassaide mánáidgárddis, ja ahte sii galget hárjehallat dahkat buriid válljemiid. Mii čalmmustahttit mánáid čehppodaga ja addit sidjiide vásáhusaid maid sáhttet viidásat ovddidit.

Gieldda mánáidgárdi Unjárgga gielddas lea sámi mánáidgárdi, ja ulbmilin lea nannet sámi giela ja kultuvrra.

Mánáidgárddis leat ossodagat main lea sámegiella doaibmagiellan ja ossodagat main lea dárogiella doaibmagiellan.

Mánáidgárdi galgá doaimmahuvvot "Mánáidgárddiid lága", ásahuvvon láhkaásahusaid, doaibmi njuolggadusaid, gieldda mearrádusaid ja mánáidgárdde plánaid vuođul.

Geahča/viečča mearrádusaid pdf, 313 kB, opens in new window.

Mánáidgárdeláhka govvida mánáidgárddi ulbmila ná:

"Mánáidgárdi galgá fállat mánáide geat leat vuollel skuvlaagi buriid ovdánan- ja aktivitehtavejolašvuođaid lagas ovttasbargguin mánáid ruovttuin. Mánáidgárdi galgá leat veahkkin fállat mánáide bajásgeassima vuođđo risttalaš árvvuid mielde".

Mánáidgárddi sisdoallu:

• Mánáidgárdi galgá leat pedagogalaš doaibma.
• Mánáidgárdi galgá veahkehit ruovttuid fuolahus- ja bajásgeassinbargguin, ja dáinna lágiin láhčit buori vuođu mánáid ovdáneapmái, eallinagi oahppamii ja aktiivvalaš oassálastimii demokráhtalaš servodagas.
• Fuolaheapmi, bajásgeassin ja oahppan mánáidgárddis galgá ovddidit olmmošlaš ovttaárvosašvuođa, ovttaárvosašvuođa, jurddašanfriddjavuođa, gierdavašvuođa, dearvvašvuođa ja áddejumi ceavzilis ovdáneami várás. Mánáidgárdi galgá fállat mánáide vejolašvuođaid stoahkat, eallinovdáneapmi ja mearkkašahtti vásáhusat ja aktivitehtat dorvvolaš ja seammás hástaleaddji birrasiin.
• Mánáidgárdi galgá váldit vuhtii mánáid agi, doaibmadási, sohkabeali, sosiála, čearddalaš ja kultuvrralaš duogáža, earret eará sámi mánáid giela ja kultuvrra.
• Mánáidgárddit galget addit mánáide vuođđomáhtu guovddáš ja relevánta surggiin. Mánáidgárddit galget doarjut mánáid sáhkkiivuođa, hutkáivuođa ja máhttodárggu ja fállat hástalusaid mat vuođđuduvvet máná beroštumiide, máhtuide ja dáidduide. Mánáidgárddit galget gaskkustit árvvuid ja kultuvrra, láhčit saji mánáide iežaset kultuvrralaš ráhkadeapmái ja leat mielde sihkkarastimin ahte buot mánát vásihit illu ja hálddašeami sosiála ja kultuvrralaš searvevuođas.

Fálalda doaibmá dáid lágaid ja njuolggadusaid vuođul: barnehageloven External link.  Forskrift om rammeplan for barnehagens innhold og oppgaver, External link. Forskrift om føring av register til bruk i forbindelse med kontroll av beregning og utbetaling av kontantstøtte External link., Forskrift om familiebarnehager External link., Forskrift om saksbehandlingsregler ved opptak i barnehage External link., Forskrift om tildeling av tilskudd til private barnehager External link., Forskrift om regnskapsplikt for godkjente ikke-kommunale barnehager (økonomiforskrift til barnehageloven) External link., Forskrift om foreldrebetaling i barnehager External link., Forskrift om pedagogisk bemanning og dispensasjon i barnehager External link., Forskrift om godkjenning av yrkeskvalifikasjoner for styrer og pedagogisk leder i barnehage fra annen stat External link., Forskrift om pedagogisk bemanning og dispensasjon i barnehager External link., Forskrift om godkjenning av yrkeskvalifikasjoner for styrer og pedagogisk leder i barnehage fra annen stat External link., Forskrift om pedagogisk bemanning og dispensasjon i barnehager External link., Forskrift om politiattest i barnehager External link., Forskrift om ansvar for spesialpedagogisk hjelp for barn under opplæringspliktig alder External link., Forskrift om innhenting av opplysninger fra Folkeregisteret ved utføring av oppgaver etter barnehageloven External link.   

Doaibma gusto maid dás kommunens planstrategi ja kommunens språkplan.