Mánáidgárdeeiseváldi

Láhka mánáidgárddiid (barnehageloven) láhkanjuolggadusaiguin lea vuođđun mánáidgárdeeiseválddiid doaimmaheapmái. Mánáidgárdeeiseváldit galget fuolahit ahte mánáidgárddit doaimmahuvvojit njuolggadusaid mielde.

Mánáidgárdeeiseválddis leat golbma gaskaoami, maid sáhttá geavahit dása: neavvun, goziheapmi ja dohkkeheapmi. Mánáidgárdeláhka gusto buot mánáidgárdeeaiggádiidda, sihke gielddalaš mánáidgárddiide ja priváhta mánáidgárddiide.

Prošeakta “Oktasaš mánáidgárdeeiseváldit”

Jagis 2025 áigot Nuorta Finnmárkku gielddat geahččalit doaibmágo ahte mánáidgárddiin livččii okta oktasaš mánáidgárdeeiseváldi olles guovllu mánáidgárddiide. Dát prošeakta lea čielggaduvvon 2023:s ja 2024:s 50 % virggiin. Mihttomearrin lea oktasaš fásta mánáidgárdeeiseváldi, mii galgá dáhkidit dásseárvosaš gieđahallama buot guovllu mánáidgárddiide, doaibmanávcca ja gealbbu mánáidgárdeeiseválddi bokte, ja čielga earu rollaid gaskkas eaiggádin, eiseváldin ja buori bálvalusfálaldaga olles guovllus.

Mánáidgárdeeideválddi barggut

Mánáidgárdeeiseválddi bargguide gullet earret eará áššemeannudemiid bokte dohkkehit mánáidgárddiid, meannudit dispensašuvdnaohcamušaid ja dahkat ovttaskasmearrádusaid doaimmashehttejuvvon mánáid erenomáš pedagogalaš veahki ja heivehemiid hárrái.

Eiseváldi galgá árjjalaččat árvvoštallat mánáidgárdesuorggi dili riskaárvvoštallamiid bokte, ja bagadallat ja bearráigeahččat ahte mánáidgárddit čuvvot lága. Jus leat lobihis dahje vuostemielalaš dilálašvuođat, de sáhttá eiseváldi gohččut divvut ášši.

Eiseváldi lea maiddái áššemeannudeaddji vuolitásahus váiddaáššiin, mat gusket mearrádusaide mat leat jo dahkkon.

Mánáidgárdeeiseválddi rolla

Mánáidgárdeeiggáda barggut ja gieldda barggut leat sierranassii, áimmahuššan dihtii olbmuid luohttámuša gildii eiseváldin. Oktasaš mánáidgárdeeiseválddi bokte mii sihkkarastit barggu lobálašvuođa, ja fuolahit luohttámuša ja bealátkeahtesvuođa.

Mánáidgárdeeiseváldi galgá gieđahallat priváhta mánáidgárddiid ja gieldda mánáidgárddiid seamma láhkai.