Orje Várjjat mánáidsuodjalus dárbbaša eaent galledanruovttuid ja doarjjaolbmuid

Sáhttet leat máŋggalágan sivat manne mánná dahje bearaš dárbbaša doarjaga árgabeaivvis. Dákkár diliin sáhttá galledanruoktu dahje doarjjaolmmoš leat buorre doaibmabidju dahkat máná árgabeaivvi mearkkašahttibun. Dás sáhtát lohkat eanet dan birra ahte leat galledanruoktun dahje doarjjaolmmožin.

Galledanruoktu

Galledaruoktu mearkkaša ahte válddát vuostá máná/nuora galledeapmái ja idjadeapmái ovtta dahje máŋga vahkkoloahpa mánus. Lea maid vejolašvuohta leat ovttas luomuin. Galledanruoktu lea eaktodáhtolaš veahkkedoaibma bearrašiidda geain lea erenoamáš dárbu dasa. Muhtin mánát dárbbašit oahpásmuvvat ja leat ovttas earáiguin go dušše iežaset bearrašin. Dát sáhttá leat nugo ožžot lassi fuola, viiddidit sin fierpmádaga ja oažžut eanet positiiva vásáhusaid. Galledanruoktu ii galgga buhtadit máná vánhenruovttu.

Oarje Várjjat mánáidsuodjalus háliida dorvvolaš ja dássádis rávisolbmuid geain lea sadji addit mánáide dábálaš vásáhusaid ovttas iežaset bearrašiin. Dat sáhttet leat dábálaš rutiinnat nugo nohkanrutiinnat, basadeapmi, ráhkadit borramušaid ja miellagiddevaš doaimmat maid bearaš hutká. Ii leat gáibádus formálalaš skuvlejupmái ja sáhtát leat okto dahje leat bearaš mas leat iežat mánát.

Galledanruovttu dohkkeha mánáidsuodjalusbálvalus ovdal go doaibmabijut álggahuvvojit. Ohcamušat meannuduvvojit čađat. Mánáidsuodjalusa oktavuođaolmmoš váldá oktavuođa dainna bearrašiin gii háliida šaddat galledanruokton ságastallamii. Mánáid oktavuođaolmmoš čađaha árvvoštallama, gos gávnnaha guđe mánát ja guđe galledaruokto heivejit okti

Doarjjaolmmoš

Doarjjaolmmoš lea dorvvolaš rávisolmmoš, guhte aktivere ja movttidahttá mánáid iešguđetlágan doaimmain, geat iešguđet sivaid geažil dan dárbbašit. bargat doarjjaolmmožin lea dehálaš bargu gos oaččut vejolašvuođa leat veahkkin dahkat mánáid ja nuoraid árgabeaivvi gelddolažžan ja somán.

Ollu mánáin ja nuorain leat iešguđetlágan dárbbut iešguđet sivaid geažil. Sáhttet leat hástalusat mat gusket bearašgaskavuođaide, ahte sis lea unna fierpmádat dahje sáhttá leat ávki das ahte ožžot eanet vásáhusaid ja buriid dovdduid árgabeaivvis. Sáhttá maid leat ahte váhnemat dárbbašit veahki iešguđet sivaid geažil.

Mánáidsuodjalus hálida ahte doarjjaoktavuohta galgá leat diehttevaš ja dorvvolaš rávisolmmoš gii ovddasta nana oadjebasvuođa mánnái, dakkár gii veahkeha mánnái addit positiiva vásáhusaid ja juoidá masa mánná vuordá iluin árgabeaivvis. Mánát dárbbašit rávisolbmuid geat oidnet, gullet ja mánhtte hállat singuin.

Mii háliidit čeahpes ja sosiála ollesolbmuid geain lea rabas miella, geat sáhttet doaibmat buori ovdagovvan mánáide. Iešguđetlágan doaimmaid bokte ožžot mánát ja nuorat somás friddjaáiggi gos sis lea vejolašvuohta oahppat njuolggadusaid ja norpmaid ođđa dilálašvuođaid ja vásáhusaid bokte.

Ovdamearkkat doaimmain maid sáhtát bargat ovttas mánáin leat:

• Vázzit meahcci
• Guolástit/fanasmátki
• Kinos fitnat
• Spáppa čiekčat dahje eará válaštallan
• Kafeas fitnan
• Láibut dahje málistit ovttas
• Vuodjat
• Bodnjat/mekket
• Giehtaduodji
• Sihkeltuvrrat
• Bowling
• Breahttaspeallu
• Galledit šibitdoalu

Doarjjaolbmo bálká lea kr. 300,- tiibmui.

Galledanruovttuide mákso KS:a hattiid mielde. Eambbo dieđuid oaččut:
Veiledende satser for fosterhjem og besøkshjem 2026Lenke til et annet nettsted, åpnes i nytt vindu. External link.

Jus jurddašat ahte dát heive dutnje, váldde oktavuođa Liss Mikalsenin:
Tlf.: 464 00 373
Maila čujuhus: liss.mikalsen@tana.kommune.no