Doarjja ahkeheivehuvvon ássandáluid ođasteapmái

Viessobáŋku addá ahkeheivehuvvon doarjaga ássanviesuid ođasteapmái vai don sáhtát orrut oadjebasat ruovttus guhkit áiggi. Sihke priváhta viessoeaiggádat ja láigoheaddjit sáhttet oažžut ekonomalaš doarjaga heivehit ássodaga nu ahte šaddá álkkit orrut ruovttus.

Viessobáŋku meannuda ohcamiid. Ohcanáigemearri lea golggotmánu 30. b. 2026.

Sáhtát ohcat doarjaga jus

• don leat badjel 62 jagi dahje orut ovttain gii lea badjel 62 jagi
• don orut ássodagas ieš maid oamastat- dahje láigohat birrajagi. Jus láigohat don fertet oažžut láigoheaddjis lobi.
• ásodat lea du álbmotregistrerejuvvon čujuhus
• don áiggut ođasmahttit unnimusat 40 000 ruvnno ovddas

Man olu oaččut

Don sáhtát oažžut gokčot gitta 25 proseantta prošeavtta goluin. Ođasmahttin ferte máksit unnimusat 40 000 kuvnno. Dat ii leat bajimus rádji goluin, muhto doarjaga alimus submi lea 75 000 ruvnnu. Sáhtát oažžut doarjaga dušše okti.

Fuomáš ahte álgovuorus fertet ieš ruhtadit doaimmaid. It sáhte vuordit doarjaga ovdal go bargu lea čađahuvvon ja leat ovdabuktán rehketdoalu. Don it oačču doarjaga prošeavttaide mat leat juo álggahuvvon dahje  čađahuvvon.

Oza doarja dás: 

Tilskudd til aldersvennlig oppgradering av egen bolig - Husbanken External link.

Eanet dieđuid doarjaga birra gávnnas dás:

Informasjonsbrosjyre om tilskuddet pdf, 1 MB, opens in new window.