Stipeanda oahpaheddjiide, mánáidgárdeoahpaheddjiide ja buohccedivššároahpui Unjárggas

En gruppe mennesker sitter rundt et bord med bøker og skriver. En person holder en peker og viser til et whiteboard.

Orut go Unjárggas ja leat oahpamin mánáidgárdeoahpaheaddjin, vuođđoskuvlaoahpaheaddjin dahje buohccedivššárin? - Oza stipeandda!

Unjárgga gielddas lea stipeandaortnet kandidáhtaide geain lea ássančujuhus  Unjárgga gielddas.

Eavttut mánáidgárdeoahpaheaddji- ja vuođđoskuvlaoahpaheaddji ohppui

Mánáidgárdeoahpaheaddje- ja vuođđoskuvlaoahpaheaddjeohppui sáhttá jahkásaččat juolluduvvot guokte stipeandda.

Kandidáhtat sáhttet ohcat guovtti eavttu vuođul:

  • Eaktun lea ahte ohcci lea álgán, dahje lea dál studeremin, mánáidgárde- dahje vuođđoskuvlaoahpaheaddjeohppu.
  • Eaktun lea ahte ohccis lea sámegiella vuosttašgiellan ja ahte ohcci álgá, dahje lea juo álgán  mánáidgárdeoahpaheaddji dahje vuođđoskuvlaoahpaheaddji oahppu.

Eavttut - buohccedivššároahpu 

Buohccedivššárohppui juolluduvvo guokte stipeandda jahkásaččat.

Kandidáhtat sáhttet ohcat guovtti eavttu vuođul:

  • Eaktun lea ahte ohcci álgá dahje čađaha oahpu mii mielddisbuktá dohkkeheami buohccidivššárin.  
  • Eaktun lea ahte ohccis lea sámegiella vuosttašgiellan ja ahte ohcci lea álgimin, dahje lea oahpus mii mielddisbuktá dohkkeheami buohccidivššárin.

Oppalaš eavttut čatnonáiggi birra

Stipeanda lea 75.000 ruvnno jahkái ja dan sáhttá juolludit kandidáhtaide geat váldet ollesáiggeoahpuid - 60 oahppočuoggá jahkái. Alimus stipeandaáigodat lea guokte oahppojagi (120 oahppočuoggá, oktiibuot 150 000 ruvnno) juohke kandidáhta nammii, beroškeahttá guđe dahje galle eavttuid kandidáhtta deavdá.

Sámegiela gelbbolašvuohta vuosttašgiellan ferte dokumenter. Duođaštussan sáhtá kandidáhta bidjat mildosiin oahpoduođaštusa vuođđo- dahje joatkkaskuvllas. Sii geat eai sáhte dán dokumenteret, dahkko individuála árvvoštallan sámegiela gelbbolašvuođas ovttasráđiin gieldda giellaguovddážiin.

Ovdal go stipeanda juolluduvvo, de dahkko geatnegahtti šiehtadus gieldda ja studeantta gaskka.

Čatnonáigi:

Okta stipeanda mielddisbuktá jagi čatnonáiggi. Guokte stipeandda mielddisbuktet guokte jagi čatnonáiggi. Čatnonáigi álgá dan rájes go kandidáhtta álgá 100% virgái gildii maŋŋel go lea čađahan oahpu. Relevánta virgái, gusket čuovvovaččat:

  • Jus stipeanda addo mánáidgárde- dahje vuođđoskuvlaoahpaheaddjeoahpu oktavuođas, de dát  geatnegahttá bargat mánáidgárddis dahje skuvllas Unjárgga gielddas,
  • Jus stipeanda addo buohccidivššároahpu oktavuođas, de dat geatnegahttá bargat buohccedivššárin Unjárgga gielddas.

Ruovttoluottamáksin:

Jus kandidáhtta heaitá oahpus, dahje sivaid geažil maid kandidáhta ieš dagaha, de sáhttá gielda gáibidit stipeandda máksot ruovttolutta ollásit dahje belohahkii. Ruovttoluotta máksin unniduvvo dan mielde makkár oasi čatnonáiggi evttouin leat deavdon.

Čatnonáigge geatnegasvuohta heaittihuvvo  jus kandidáhtta lea ohcan guoskevaš rabas virggi(id) gielddas unnimustá guovtte geardde maŋŋel go lea čađahan oahpu, muhto ii leat ožžon virgefálaldaga, dahje eará siivaid geažil masa kandidáhta ii ieš hálddaš (omd. buohcuvuohta).

Ii leat vuosttašriekti

Kándidáhta ferte ohcan rabas virggiid gielddas seamma dásis go eará ihccit. Stipeanda maid lea ožžon gielddas ii atte erenoamáš ovdamuni, ii ge eaktut bistevaš dahje gaskanoddosaš virggi.

Mo ohcan stipeandda?

Bajásšaddan- ja kulturossodaga gielddahoavda meannuda ohcamiid mat gusket mánáidgárde- dahje vuođđoskuvlaoahpaheaddjeohppui. Dearvvasvuođa- ja fuolahusossodaga gielddahoavda meannuda ohcamušaid mat gusket buohccidivššárohppui.

Jus leat eanet ohccit go stipeanddat maid juolludit, de vuoruha gielda ohcciid ollislaš árvvoštallama vuođul, mas deattuhuvvo gieldda boahtteáiggi dárbbut gelbbolašvuhtii. Maiddái eará guoskevaš bealit, nugo oahppoovdáneapmi ja fágaválljen, sáhttet leat mielde árvvoštallamis.

Ohcama sáddet elektrovnnalaččat post@nesseby.kommune.no  ja merke Stipeanda ohcan.

Dábálaš ohcanáigemearri lea 31.08. juohke jagi

Oahpput mat álgá ođđajagimánus, lea ohcanáigemearru 15.01 seamma jagi.

Eavttut gustojit 29.09.26 dalle go mearrádus dáhkkui ja 2026 ohcanáigemearri lea 15.11.26.

Maid ohcan galgá sisttisdoallat

  1. Namma, riegádannummir/riegádnadáhton, čujuhus, e-poasta, telefovdna
  2. Duođaštsu ahte du ássančujuhs lea Unjárgga gielddas
  3. Makkár ohppui ozat stipeandda:
  • Mánáidgárddeoahpaheaddji ohppui
  • Vuođđoskuvllaoahapheaddji ohppui
  • Buohccidivššár ohppui
  1. Makkár eavttuid vuođul ohcco
  2. Duođaštus sámegiella vuosttasgiellan (dušše go dat gáibiduvvo):
  • Oapduođaštus vuođđoskuvllas/joatkaskuvllas, dahje
  • oažžut oktagaslaš árvvoštallama ovttas giellaguovddážiin jus giellamáhttu ii sáhte duođaštit njuolga
  1. Dieđut oahppobáikkis, oahppoprográmmas ja vurdon oahppoviidoga birra
  • Leago ollesáiggeoahppu (60 oahppočuoggá jahkái), go dat lea eaktun oažžut stipeandda
  1. Dieđut goas oahppu álgá/oahpu progrešuvdna
  • Jus ohcci álgá ohppui dahje lea jo oahpus (guoská sihke kvalifiseremii ja vuoruheapmái jus lea dárbu vuoruhit ohcciid go leat eanet ohccit go stipeanddat)
  1. Duođaštus dahkat čatnon šiehtadusae
  • ohcci duođašta ahte son dovdá ja dohkkeha čatnanáiggi-  ja ruovttoluottamáksin njuolggadusaid

Duođaštus ovdal go stipeanda mákso:

  • Oahpposajis ja oahppočuoggá duođaštus
  • Šiehtadusa gieldda ja oahppi gaska čatnanáiggi birra
  • Ohcci galgá duođaštit ahte lea čađahan ja ceavzán lohkanbaji ja eksámena ovdal go stipeanda mákso.
  • Ohccit geain lea sámegiella vuosttašgiellan galget bidjat mielddusin duođaštusa vuođđoskuvllas, joatkkaskuvllas. Dahje gieldda giellaguovddážis.

Máksin

Stipeanda mákso guktii jagis, ovtta geardde juohke lohkanbajis go gielda lea ožžon duođaštuvvot ahte oahppi lea čađahan ja ceavzán lohkanbaji.

Dat mákso kr. 75.000,- juohki 60 oahpočuoggá ovddas.

Evalueren

Stipeandaortnet evaluerejuvvo njealje jagi geahčen (2030) ja ovddiduvvo nuoraidráđđái, ovdagoddái ja gielddastivrii.

Eavttuid lea gielddastivrra mearridan 29.09.2026:s.


Sist oppdatert

Stipeanda

Stipeanda lea ekonomalaš doarjja maid sáhtát oaččut oahpui, kurssaide dahje eará doaimmaide.

Gávnnat go dan maid ledjet ohcamin?