Oarje Várjjat šaddá ođđa Mii-Met-Vi-regiovdnan!
Bearraváhki, Báhcavuotna, Unjárga ja Deatnu šaddet boahtte Mii-Met-Vi-gielddat áigodagas 2027-2028. Dat lea vuosttaš geardde go njeallje gieldda servet ovttas áŋgiruššamii, ja dat lea ođđa olahus prošeavttas.
Mii-Met-Vi-áŋgiruššan lea boktán stuora beroštumi Finnmárkkus, ja lea leamaš stuorát beroštupmi dasa go vurdon. Máŋga gieldda leat ohcan beassat searvat, ja dat lea eambbo go mii lei jurddašuvvon prošeaktaáigodahkii. Dat lea dagahan dárbbu geahčadit ođđa čovdosiid mat sáhttet dahkat vejolažžan fátmmastit eanet gielddaid áŋgiruššamii. Go Oarje Várjjaga gielddat ohce ovttas, de dat rabai vejolašvuođa ođđa vuogi mielde organiseret áŋgiruššama. Dál galget njeallje gieldda searvat oktanaga ja hukset searvevuođa rastá gielddarájiid.
Hukset viidáseappot pilotagielddaid vásáhusaid vuođul
Mii-Met-Vi lea juo bidjan dehálaš vuođu Davvesiidda ja Gáŋgaviikka gielddaid bargguid bokte. Gielddat leat dán rádjái bargan systemáhtalaččat asahit buriid dábiid ja struktuvrraid, seammás go eaktodáhtolaš barggut leat čájehan nana buorre áŋgiruššama. Leat leamaš ollu olbmot geat leat searvan doaimmaide ja lágidemiide.
Mii-Met-Vi skuvlla bokte bargo searvevuođain, oktiigullevašvuođain ja fátmastemiin mii galgá leat lunddolaš oassin skuvlla árgabeaivvis. Oktasaš doaimmat ja deaivvadanbáikkit skuvllain ja ahkecehkkid rastá galget váikkuhit dasa ahte mánát ja nuorat oahpásmuvvet buorebut, huksejit oktavuođaid ja vásihit gullevašvuođa rastá gielddarájiid. Vásáhusat Davvesiiddas ja Gáŋgaviikkas leat dehálaččat go áŋgiruššan dál viiddiduvvo Oarje Várjjagii.
Oktavuohta boahteáigái
Go Oarje Várjjat searvá dán áŋgiruššamii, de dat nanne searvevuođa, gullevašvuođa ja oktasašvuođa báikegottiin Finnmárkkus.
Mánát ja nuorat leat báikegottiid boahtteáigi. Go joatkit barggu ásahit buriid deaivvadanbáikkiid, nannet oktavuođaid ja láhčit dili searvamii rastá gielddarájiid, de háliida Mii-Met-Vi váikkuhit dasa ahte eambbosat vásihit gullevašvuođa báikkálaš servodagain.
Mii leat seamma joavkkus!
Mii-Met-Vi mearkkaša «mii» sámegillii, kveanagillii ja dárogillii, ja vuođđu lea álkkes, muhto dehálaš vuolggasadji: Mii leat seamma joavkkus!
Sist oppdatert
Hva er en Mii-Met-Vi-region?
En Mii-Met-Vi-guvlui gullet gielddat geat ovttasbarget olahit:
- nannet searvevuođa ja maŋggabealátvuođa
- hahkat deaivvadanbáikkiid mánáide, nuoraide ja ollesolbmuide
- ovddidit eaktodáhtolaš bargguid ja báikkálaš áŋgiruššama
- hukset oktasašvuođa kultuvrra, giela ja gielddarájiid rastá.