Doarjjaolmmoš lea veahkkefálaldat doaimmaide ruovttu olggobealde, veahkehan dihte olbmo oažžut mávssolaš astoáiggi ja vejolašvuođa hálddašit iešguđetlágan eallindilálašvuođaid, ja maid veahkehit eanet iehčanasvuhtii, ja viiddidit sosiála fierpmádaga. Doarjjaolmmoš galgá addit persovnnalaš veahki ja bálvalusas galgá leat geavaheaddjimielváikkuheapmi ja geavaheaddjistivren. Bálvalus galgá addot individuálalaččat.
Doarjjaolmmoš lea dábálaččat dakkár geas ii leat fágagelbbolašvuohta, muhto sus lea jávohisvuođageatnegasvuohta.
- Gallestaddá geavaheaddji ruovttus.
- Čuovvu geavaheaddji dakkár doaimmain go kino- ja valáštallandoaluin, dahje eará doaimmain.
Bálvalusa mihttomearri
Bálvalusa mihttomearri lea ovddidit dearvvašvuođa, eastadit buozalmasvuođa, roasmmohuvvama dahje vigiid vai olmmoš beasašii sáhttá orrut ruovttus nu guhká go vejolaččat.
Gii sáhttá oažžut doarjjaolbmofálaldaga
Olbmot geat doaibmahehttehusaid dahje sosiála hástalusaid geažil dárbbašit veahki vai besset searvat doaimmaide ruovttu olggobealde:
- Jus galgá oažžut bálvalusa, de gáibiduvvo doavttirduođaštus.
- Bálvalusdárbbašeaddji dárbbaša veahki jus galgá sáhttit searvat sosiála doaimmaide.
- Bálvalusdárbbašeaddji ferte oažžut ávkki oassálastimis doaimmaide.
- Bálvalus addo 4 diimmu rádjái vahkus. Erenoamáš dilálašvuođain sáhttá áigerámma viiddiduvvot individuála dárbbuid árvvoštallama vuođul.
- Bálvalus ii mieđihuvvo oapmahaččaid dárbbuid geaže, dahje geavatlaš veahki dahje dearvvašvuođaveahki dihte.
- Bálvalus ii addojuvvo vuollel 16 jahkásaš mánáide, go dán joavkkus lea hárve iehčanas kultur- ja astoáiggeeallin mii lea sierra fuolaheaddjiin.
- Bálvalus ii vuoruhuvvo ássiide dakkár ásahusain ja ássansearvevuođain main leat birrajándora dikšo- ja fuolahusbálvalusat.
Bálvalus ii sisttisdoala
- Bálvalus ii sisttisdoala ruovttuveahkkebargguid.
- Medisiinnalaš meannudemiid/ divššu.
Haddi bálvalusas
Bálvalus lea nuvttá.
