Mo váldit oktavuođa minguin?
- Dat ásahus mii lea sajis, ovdamearkka dihte politiija dahje doavttervákta, galgá dieđihit heahtejovkui mii lea dáhpáhuvvan ja geasa lea čuohcan, ja dađistaga go dilli rievdá dieđihit rievdadusaid jovkui.
- Oapmahaččat /fuolkkit ožžot dieđu heahtejoavkku fálaldaga birra ja jerrojuvvojit háliidit go dallán doarjaga vai háliidit go vuordit.
- Jus heahtedili čuožžila, váldde oktavuođa gieldda doavttervávttain tlf: 116, 117 dahje 113.
Mii dáhpáhuvvá go mii leat ožžon dieđu?
- Jus dat geaidda dáhpáhus čuohcá, háliidit veahki, de vuolgá muhtin heahtejoavkkus viehkkái jođáneamos lági mielde.
- Jus oapmahaččat eai háliit veahki heahtejoavkkus, de sáhttet sii oažžut koartta mas leat dieđut heahtejoavkku fálaldaga birra, nu ahte muhtun bearrašis sáhttá ieš váldit oktavuođa jus lea dárbu. Heahtejoavku riŋge dalle bearrašii go leat mannan moadde beaivvi.
Heahtejoavku lea lassin dábálaš veahkkeapparáhttii, ja lea veahkkin ráddjejuvvon áigái. Ii ge leat oaivvilduvvon ahte heahtejoavku galgá boahtit dan veahki ja doarjaga saddjái maid gillájeddjiide muđui galgá oažžut. Bearaš, ustibat ja fierpmádat muđui, lea deháleamos vuođđu dasa ahte olbmot galget birget heahtediliin buoremus lági mielde.
