Mánáidsuodjalusbálvalusa ovddasvástádus ja barggut
Mánáidsuodjalusas lea earenoamáš ovddasvástádus fuomášit mánáid geat ellet fuolahisvuođas, geain leat láhtten,- sosiála ja dovdováttut nu árrat ahte sáhttet garvit bistevaš váttisvuođaid ja álggahit veahkkedoaimmaid daid váttisvuođaide. Lea dehálaš álggahit doaimmaid mat leat mánnái buoremus. Mánás ferte stáđis ja buorre oktavuohta ollesolbmuin, ja ollislaš fuolaheapmi. Mánáidsuodjalus galgá addit ráđiid ja bagadit, lohkat visot dieđuid ja guorahallat áššiid. Mánáidsuodjalus bargu lea mearridit eaktodáhtolaš doaimmaid ja fáhkka mearrádusaid, ráhkkanit áššiid mánáidsuodjalusa- ja dearvvašvuođalávdegoddái, ja johttáhit ja čuovvulit doaimmaid mánnái mii ii oro ruovttus.
Mánáidsuodjalusbálvalus barggut leat:
- Bagadit váhnemiid
- Váikkuhit iešguđege doaibmabijuid
- Čujuhit eará veahkkeásahusaide
- Fuolahit ahte almmolaš instánsat ja eará veahkkeorgánat fállet mánnái obbalaš ja oktasaš fálaldaga mii mánnái lea buoremus
Váldde mánáidsuodjalusain oktavuođa jos:
Dárbbašat ráđiid ja bagadeami, ii leat buorre dilli ruovttus, váivahuvat muhtin máná dihte dahje háliidat dieđihit ovtta ášši. Lea dehálaš ahte ollesolbmot máná ja nuorra birrasis dieđihit. Du diehtu sáhttá leat hui dehálaš mánnái. Lea maid vejolaš mánáidsuodjalussii dieđihit anonymalaččat, ja mánáidsuodjalus bargu lea veardidit galgá go ášši čuovvulit vai heaittihit.
Skuvllat, mánáidgárddit ja eará almmolaš ásahusat leat geatnegahttojuvvon dieđihit áššiid mánáidsuodjalussii reivve bokte.
Ferten go muitalit gii mun lean?
Priváhta olbmot sáhttet dieđihit áššiid mánáidsuodjalussii namaheapmin. Lea vejolaš mánáidsuodjalussii dieđihit anonymalaččat, ahte identitehta bissu čiegusin gustovaš bearrašii ja galgá leat álki váldit minguin oktavuođa.
Olbmot ámmát virggis eai sáhte gáibidit anonymitehta.
Mii geavvá go dieđihan mánáidsuodjalussii?
Go mii leat ovttas digaštallan ášši de sáhtát ieš mearridit sáddet go fuolahisváiledieđu, dasto mánáidsuodjalus ferte veardidit galgá go ášši guorahallojuvvo, loahpahuvvo dahje sáddejuvvot eará ásahusaide. Mánáidsuodjalusbálvalus lea geatnegahttojuvvon mearridit galget go ášši čuovvulit vahkku siste, ja dárkilat guorahallama galgá čađahuvvot golbma mánu siste.
Guorahallamis hálešta mánáidsuodjalus sihke váhnemiiguin ja mánáin, dasa lasiin olbmuiguin máná birrasis ja eará ásahusain mat dovdet máná. Gárten dihte máná dárbbuid ja fuolahisvuođa fitná mánáidsuodjalus maid ruovttu galledeame. Ulbmil lea gártet máná ja bearraša dili ja makkár veahki dárbbašit.
Mánáidsuodjalus veardida galget go álggahit veahkkedoaibmabjuid vai loahpahit ášši go leat guorahallan ruovttu.
Unjárgga ja Deanu gieldda Mánáidsuodjalusbálvalus:
Unjárgga ja Deanu mánáidsuodjalusbálvalus lea rabas birra jándor, ja fállet fáhkkagearggusvuođa buot mánáide ja nuoraide Unjárgga ja Deanu gielddas.
Mánáidsuodjalusvákta lea mánáidsuodjalusa fáhkkagearggusvuohta. Vuođđodoaibma lea veahkehit mánáid, nuoraid ja bearrašiid heahtediliin.
Mánáidsuodjalusvákta galgá veahkehit mánáid ja nuoraid gaskal 0-18 ja sin bearrašiid. Buot mánát ja nuorat geat veagalváldojuvvojit, vásihit fuolahisvuođa dahje leat eará váttis dilis sáhttet váldit Mánáidsuodjalusvávttain. Ollesolbmot mat vuorjašuvvet mánás dahje nuoras ii leat buorre dilli sáhttet maid riŋget mánáidsuodjalusváktii, mob.404 406 20.
Sáhtát maid riŋget mánáid ja nuoraid nationála heahtetelefuvdnii nr.116 111.
