Bušeahtta
Bušeahtta lea gieldda doaibmaplána. Dat čájeha doaimmaid ekonomalaš čuovvumušaid bušeahttajahkái, resurssaid háhkamiin ja geavaheamiin. Bušeahtta lea maid deaŧalaš bearráigeahččan- ja čuovvolanreaidun gieldda ruhtadoallohálddašeamis.

Ruhtadanplána
Ruhtadanplánas ii leat sáhka dušše gieldda sisaboađuin ja goluin. Ruhtadanplánas muitaluvvo maiddái mo gielda olaha iešguđet mihttomeriid vai ássiide fállojuvvo buoremus fálaldat go vejolaš ja vai Unjárgga gielda ovdánivččii áigumušaid mielde.