Boahkuheamit maid Álbmotdearvvašvuođainstituhtta ávžžuha. Dieđuid gávnnat dáppe:

https://www.fhi.no/va/voksenvaksinasjon/oversikt-anbefalte-vaksiner-for-voksne/

Olbmot geat eai gula riskajovkui lea maiddái vejolaš diŋgot áiggi boahkuheapmái. Go boahkuheamit rievddadit jagis jahkái dan mielde makkár virusšlájat vurdojuvvojit leat eanemus influeansaáigodagas, de boahkuheamit bistet dušše ovtta áigodaga.

Influeansaboahkuheapmi

Dát boahkuheapmi ávžžuhuvvo buohkaide geat leat badjel 65 jagi ja dihto riskajoavkkuide. Addojuvvo influeansaáigodagas, čakčamánus ja olles giđa. Ferte váldit jahkásaččat.

Koronaboahkuheapmi

Ávžžuhuvvo buohkaide geat leat badjel 65 jagi ja muhtun eará riskajoavkkuide. Boahkuheami sáhttá addit olles jagi ja buoremusat oktii jagis.

Pneumokokkaboahkuheapmi

"Pneumoniaboahkuheapmi" Ávžžuhuvvo buohkaide geat leat badjel 65 jagi, ja vejolaččat earáide geat gullet dihto riskajoavkkuide. Ávžžuhit lasihit dosa juohke 6. jagi.

Difteriija/tetanus/boahkuheapmi/polio

Jus leat boahkuhuvvon mánnán/nuorravuođas, de ávžžuhit ahte oaččut lasi dán boahkuheami juohke logát jagi. Stuorámus oassi leat vuođđoboahkuhuvvon. Áhpehis nissonat ávžžuhuvvojit oažžut lassidosa Pertussis-boahkuheamis, mii lea veaháš earálágan boahkuheapmi go dábálaš lassiboahkuheapmi.

Dát boahkuheapmi lea nuvttá áhpehis nissoniidda. Jortamovrrat sáhttet addit rávvagiid ja dahkat čujuhusaid álbmotdearvvašvuođadivššáriidda boahkuheapmái.

Mátkeboahkuheapmi

Jus áiggut mátkkoštit, de árvvoštallojuvvojit boahkuhangáibádusat mátkebáikki ja du boahkuhanstáhtusa vuođul. Jus dus leat jearaldagat dán birra, de váldde oktavuođa dearvvašvuođadivššáriin. Eanaš mátkkoštanbáikkiin galggat leat ođasmahtton difteriija/tetanus/kihkosa/polio-boahkuheami, ja dávjá dárbbašuvvo maiddái hepatihtta A-boahkuheapmi.

Buot boahkuheami ovddas ferte máksit, earret koronaboahkuheami ovddas. Leat go dus gažaldagat boahkuheami birra: Dearvvašvuođadivššár mob. 40440633, riŋges dahje čále sms gos diŋgot áiggi. Muitte nama čállit.

Jus leat áhpeheapme ja háliidat njuoratmánnáboahkuheami, de váldde oktavuođa iežat riegádahttinveahkiin. Sáhttá váldit oktavuođa telefovnnas 40440659 duorastagaid.