oversikt over hvilke trusler som kan påvirke kommunen – og hvordan vi best kan håndtere dem. Målet er enkelt: beskytte liv, helse, miljø og samfunnskritiske funksjoner.
Ođasmahttojuvvon ROS-analiissain oažžut čielgaset gova das makkár áitagat sáhttet čuohcat gildii - ja mainna lágiin mii buoremusat sáhttit gieđahallat daid. Ulbmil lea oktageardán: suodjalit eallima, dearvvašvuođa, birrasa ja servodatkritihkalaš doaimmaid.
Maid ođđa ROS-analysa sisttisdoallá?
Ođasmahttojuvvon analysa geahčada deháleamos váraid maidda mii fertet leat ráhkkanan: Digitála áitagat ja neahttafalleheamit - Eanet digitaliseren buktá stuorra ovdamuniid, muhto maiddái hearkivuođaid. IT-vuogádagaid falleheapmi sáhttá čuohcat sihke gildii ja ássiide.
- Garra dálkkit ja dálkkádatrievdamat - Garraset stoarpmat, dulvvit ja guhkit áigge el-rávdnjeboatkaneamit sáhttet čuohcat min árgabeaivái. Mii fertet ráhkkanit eanet vuorddekeahtes dálkkiide.
- Kritihkalaš infrastruktuvrra váttut – Mii dáhpáhuvvá jus elrávdnji boatkana ja jávká máŋga beaivvi? Dahje jus mobiilafierpmádat ja interneahtta jávká? Dorvvolaš gielddas ferte leat plána dákkár diliide.
- Servodatsihkkarvuohta ja gearggusvuohta - Mii eat háliit jurddašit vearrámus vejolaš dáhpáhusaid birra, muhto mii fertet liikká ráhkkanit váralaš dáhpáhusaide nugo veahkaválddálaš fallehemiide, skuvlabáhčimiidda dahje terrordaguide.
- Hearkkes joavkkut ja heahtedili hálddašeapmi - Heahtedilis dárbbašit boarrásat, doaimmashehttejuvvon olbmot ja eará hearkkes joavkkut liige veahki. Mo mii sihkkarastit ahte buohkat ožžot dan doarjaga maid dárbbašit?
Manne dát lea dehálaš dál?
Ovddit ROS-analysa dohkkehuvvui jagi 2016, ja dan rájes lea máilbmi rievdan olu. Mii leat oaidnán:
- Eanet cyberáitagiid ja digitála rihkkosiid
- Eanet garra dálkkiid mat váikkuhit infrastruktuvrii ja eallimii
- Geopolitihkalaš riidduid ja ođđa sihkarvuođahástalusaid
- Dasa lassin lea Stáhtahálddašeaddji addán čielga dieđuid das ahte mii fertet nannet heahtegearggusvuođabarggu. Dáinna ođđa analysain mii geatnegahttit iežamet čuovvulit dehálaš doaibmabijuid - sihkkarastit ahte Unjárga lea dorvvolaš ja nana gielda buohkaide!
Geahča ROS-analysa:
Unjárgga gieldda ROS-analysa
