Elines lea dál ruovttukantuvra, muhto fárre Sør-Várjjagii geassemánu álggus, ja doppe galgá sus maid lea fásta kantuvrabáiki.
Oahpásmuva veaháš Elinein:
Eline lea eret Kristiansundas Nordmøres, muhto lea maŋimuš 11 jagi orron Nuorta-Norggas. Sus lea duogáš servodatdiehtagis ja son lea máŋgga jagi bargan ráđđeaddin. Maŋimuš jagiid son lea gazzan viidáset oahpu ekologiija ja luondduhálddašeamis, ja lea dál gearggaheamen mastergráda luondduhálddašeamis NMBUs. Skuvlajagiid 2022-2023 son lei Svalbárddas, gos sus šattai nana beroštumi árktalaš lundui ja dálkkádahkii.
Maid bargá čáhceguovllu koordináhtor?
Čáhceguovllu koordináhtorin galgá Eline doarjut gielddaid barggu buoridit jogaid, jávrriid ja mearraguovlluid dili. Son galgá earret eará:
- Čohkket ja juohkit dieđu čáhcebirrasa ja váikkuhanfáktoriid birra
- Doarjut gielddaid gažaldagain mat gusket čáhcái, golggiidusaide, eanandollui ja areálahálddašeapmái
- Váikkuhit bidjat johtui báikkálaš doaimmaid buoridan dihtii čáhcekvalitehta
- Addit rávvagiid plánaáššiin ja nannet čáhcehálddašeami gelbbolašvuođa gielddain
- Sihkkarastit ahte báikkálaš máhttu ja vásáhusat váldojuvvojit mielde hálddašanbargui
- Čatnat báikkálaš barggu guvllolaš plánaide ja nationála reidui Vann-nett
Elines lea áigumuš fitnat gielddas maŋŋešgeasi dahje čakčat. Váldde áinnas oktavuođa jus háliidat soahpat áiggi galledeapmái dál juo.
Son illuda oahpásmuvvat olbmuiguin ja fágaservodagaiguin miehtá guovllu, ja erenoamážit ovttasbargat čáhcebirrasa áimmahuššama oktavuođas Finnmárkkus.
