Mearrádus
- Unjárgga gielda mearrida Gazzanjárga - Kløvenes hámmana dárkilis reguelerema. Válddi lea addon plána- ja huksenlága § 12-12is.
- Gieldadirektevra oažžu válddi dahkat teknihkalaš rievdadusaid plánakártii dálá standárddaid mielde ovttasráđiid Norgga Kártadoaimmahagain.
- Gielddadirektevra oažžu válddi rievdadit areála o_AVG1 (Eará geaidnoareála - ruoná guovlu) 0_AVT3:ii (Eará geaidnoareála - teknihkalaš rusttegat).
Mielddusin lea plánakárta, plánanjuolggadusat ja plánačilgehus, ja maiddái ovdagotti ja gielddastivrra mearrádusat.
Bivdit ahte ii dat mii guoská Kártadoaimmahahkii mearrádusa 2. čuoggás, ii váldojuvvo vuhtii, go dát boahtá boasttočállimis. Mearrádusa čuokkis 3 lea dan geažil go"o_AVG1" (Eará geaidnoareála - ruonasareála) boasttuvuođa geažil bođii "0_AVT3" (Eará geaidnoareála - teknihkalaš rusttegat) saddjái, gaskkal gulaskuddama/ almmolaš geahčadeami ja politihkalaš meannudeami gielddastivrras. Plánakárttas mii lea leamaš gulaskuddamis ja almmolaš geahčadeamis lei areálaulbmil "0-AVT3" dán areálii, ja rievdadus mii lea dahkkon mearrádusa čuoggá 3 mielde mearkkaša ahte areála ain regulerejuvvo dán ulbmilii, nu ahte ii leat mihkkege rievdadusaid plánakártta ektui mii lea leamaš gulaskuddamis ja almmolaš geahčadeamis.
Plánamearrádusa sáhttet bealit geasa mearrádus guoská, ja earát geain lea lágalaš váidinberoštupmi váidit, gč. plána- ja huksenlága §1-9 ja 12-12, ja hálddašanlága §28-36. Váidináigemearri lea 3 vahku. Lea doarvái ahte váidda lea sáddejuvvon poasttas ovdal go váiddaáigemeari nohká.
Váidda galgá leat čálalaš, ja galgá boahtit ovdan mii mearrádusaid váidojuvvo, makkár rievdadusa(id) háliida, ja mat leat váidaga ákkat. Váidda sáddejuvvo čujuhussii: Unjárgga gieldda/ Nesseby kommune, Ráđđevisti, Soltunveien 30, 9840 Varangerbotn/ Vuonnabahta dahje: post@nesseby.kommune.no
Vejolaš buhtadusgáibádusat galget sáddejuvvot čálalaččat Unjárgga gildii 3 jagi siste dan rájes go plánamearrádus lea almmuhuvvon, gč. Plána- ja huksenlága § 15-3.
