Jus dárbbašat rávvagiid ja bagadusa, de lea dus vejolaš váldit oktavuođa Pasieanta- ja geavaheddjiidáittardeddjiin. Doppe muitalit makkár vuoigatvuođat dus leat.
Pasieanta- ja geavaheaddjiáittardeaddji bargá sihkkarastin dihte pasieanttaid, geavaheddjiid ja oapmahaččaid dárbbuid, beroštumiid ja riektesihkarvuođa almmolaš dearvvašvuođa- ja fuolahusbálvalusain. Dát lea nuvttá, álkes fálaldat ássiide miehtá Norgga, ja don sáhtát leat anonyman.
Geahča eanet masa, ja mo sáhtát oažžut veahki: pasientogbrukerombudet.no
It go ožžon dan dearvvašvuođaveahki maid dárbbašit?
Jus oaivvildat ahte du vuoigatvuođat buohccin, geavaheaddjin dahje oapmahažžan eai leat devdojuvvon, dahje don it leat ožžon daid bálvalusaid maidda dus lea vuoigatvuohta, de sáhtát geavahit vuoigatvuođa váidalit. Oapmahaččain sáhttá maiddái leat váidinvuoigatvuohta.
