Viečča dás: Utfordrings og mulighetsdokument_Nesseby_2025 siste runde.pdf
Dokumeanta addá gova das man dilis gielda lea - ja maid ferte bargat sihkkarastin dihte buriid bálvalusaid, bevttolaš resursageavaheami ja ceavzilis ovdáneami boahtteáiggis. Dát ii leat bušeahttaevttohus, muhto máhttovuođđu mas leat čielga vuoruheamit.
- Mii fertet jurddašit ođđa láhkái, ovttasbargat viidát ja geavahit resurssaid čeahpibut. Dát dokumeanta lea álgu dasa, lohká gielddadirektevra Charles Petterson.
Maid dokumeanta sisttisdoallá?
Vuođđun leat gielddaindeavssa čoavddalogut, KOSTRA, rehketdoallu ja ROS-analysa. Ulbmilin lea čohkket dieđuid:
✅ Masa mii atnit ruđaid
✅ Maid mii oažžut daid ovddas
✅ Maid sáhttá ja berre eará láhkái dahkat
🟢 Min nanusvuođat:
- Nana sámi identitehta ja aktiiva álbmot
- Stuorra oassi friija sisaboađut juohke ássi nammii
- Buorit eavttut báikkálaš innovašuvdnii ja ovttasráhkadeapmái
- Earenoamáš luonddu- ja kulturresurssat
🔴 Stuorámus hástalusat:
- Alla loatnavealgi ja vuollegis ekonomalaš buffar
- Alla doaibmadássi ja vuollegis beaktilvuohta dikšumis, skuvllas ja mánáidgárddis
- Unnit mánát ja eanet boarrásat - rekrutterenhástalusat
- Hearkkes doaibma – sorjjasvuohta ovttaskas olbmuide
- Alla investerenleaktu - ii álo gánnáhahtti
⚖️ Deaŧalaš politihkalaš mearrádusat boahtteáiggis
Viidáset bargu lea čielgadit:
- Makkár bálvalusaid mii galgat fállat – ja mo
- Makkár investeremiid ferte dahkat
- Mo mii galgat heivehit iežamet rievddan álbmotčoahkkádussii
- Mo mii sáhttit láhčit dili ođđa ovdáneapmái ja ássamii
Dokumeanta lea ráhkaduvvon rahpat bušeahttaproseassa - ja addit ássiide duohta vejolašvuođa váikkuhit iežaset politihkalaš bellodagaid bokte. Ulbmilin lea sihkkarastit ahte politihkalaš válljemat leat vuođđuduvvon fáktadieđuin, oktasaš áddejumiin ja rabas digaštallamiin.
Mii dáhpáhuvvá viidáset?
📌 Geassemánu 10. beaivve: Orienteren ovdagottis
📌 Geassemánu 19. beaivve: Geahčadeapmi ja orienteren gielddastivrras
📌 Čakčamánu 2. beaivve: Politihkalaš bargočoahkkin ja vuoruhanságastallan
Rabasvuohta ja mielváikkuheapmi
– Dát lea ođđa lávki Unjárgii. Mii bovdet rabas ja rehálaš prosessii, mas sihke politihkkarat, bargit ja ássit besset váikkuhit válljemiidda/ mearrádusaide maid mii fertet čađahit, dadjá Petterson.
Boahtte lávki lea ollislaš doaibma- ja investerenanalysa 2040 rádjái. Ulbmil lea ollisvuohta, ceavzilvuohta ja oadjebasvuohta - Unjárgii dál ja boahtteáigái.
📣 Leat go dus árvalusat? Váldde oktavuođa gielddastivrra politihkkáriiguin!
