Jus dárbbašat rávvagiid ja bagadusa váidima oktavuođas, de lea dus vejolašvuohta váldit oktavuođa Pasieanta- ja geavaheaddjiáittardeddjiin. Sii addet dieđuid vuoigatvuođaidat birra. Pasieanta- ja geavaheaddjiáittardeaddji bargá áimmahuššat pasieanttaid, geavaheddjiid ja oapmahaččaid dárbbuid, beroštumiid ja riektesuodjalusa almmolaš dearvvašvuođa- ja fuolahusbálvalusain. Dát lea nuvttá, fálaldat ássiide miehtá Norgga, ja don sáhtát leat anonyma. Geahča eanet masa ja movt don sáhtát oažžut veahki pasientogbrukerombudet.no neahttasiiddus
It leat ožžon dan dearvvašvuođaveahki maid dárbbašit?
Jus oaivvildat ahte du vuoigatvuođat pasieantan, geavaheaddjin dahje oapmahažžan eai leat ollašuhtton, dahje jus oaivvildat ahte it leat ožžon daid bálvalusaid maidda dus lea vuoigatvuohta, de sáhtát geavahit iežat váidinvuoigatvuođa. Oapmahaččain sáhttá maid leat vuoigatvuohta váidit.
