Jus dáhpáhuvvá juoga mii čuohcá ollu olbmuide oktanaga, nu go guhkesáiggi elrávnnjejávkan, uđas, dulvi dahje digitála falleheamit, de eai sáhte dehálaš bálvalusat doaibmat nugo dábálaččat.
Dákkár diliin fertejit gielda ja heahteetáhtat vuos vuoruhit sin geat eanemusat dárbbašit veahki. Danne ávžžuhit ahte buot dállodoaluin lea iešgearggusvuohta birget unnimusat 14 beaivvi.
- Lea go dus lummalámpá ja batteriijat?
- Leago dus borramuš ja čáhci ruovttus dutnje ja du bearrašii?
- Leat go dus liegga biktasat ja boaldámušat jus elrávdnji jávká?
- Lea go dus plána mo galggat oažžut dieđuid, ja doallat oktavuođa earáiguin?
Das ii leat sáhka vuordit vearrámus bohtosiid, muhto leat realisttalaš ja ráhkkanan. Mađi eanet olbmot geat birgejit ieža vuosttaš diimmuid ja beivviid, dađi buoret veahkki boahtá sidjiide geat duođas dárbbašit dan.
