Go olusat gillájit oktanaga, ovdamearkka dihte garra dálkin,go el-rávdnji lea jávkan dahje jus lea digitála falleheapmi, de sáhttet boasttudieđut ja ságat leavvat jođánit. Danne lea dehálaš ahte don, juo ovdal go heahtedilli deaivida, dieđát gos gávnnat rivttes ja áigeguovdilis dieđuid.
Ovdal kriisa: Oahpásmuva báikkálaš plánaide.
Unjárgga gielddas leat guokte dehálaš dokumeantta maid buot ássit berrejit dovdat:
- Ollislaš Riska- ja hearkkesvuođaanalysa (ROS-analysa) čájeha makkár dáhpáhusat sáhttet čuohcat gildii, ja mo gielda lea plánen dustet daid.
- Eváhkkobagadusas čilgejuvvo mo gielda áigu gieđahallat evakuerema, gii gálgá bargat maid, ja mo ássit galget oažžut dieđuid ja doarjaga.
Dát dokumeanttat gávdnojit gieldda neahttasiidduin ja čájehit mo Unjárggas leat ráhkkanan iešguđetlágan dáhpáhusaide.
Go kriisa dáhpáhuvvá: Luohte virggálaš gálduide
Dáhpáhusaid áigge bohtet dieđut máŋgga sajis. Luohte virggálaš gálduide.
Deháleamos diehtogáldut leat:
- Unjárgga gieldda neahttasiiddu.
- NRK ja báikkálaš rádio.
- Politiijat: www.politi.no, bokte, ja politiijaid preassadieđáhusaid ja váruhusbálvalusaid bokte.
- Stáhtaeiseválddit: nu go DSB, Dearvvašvuođadirektoráhtta ja Stáhtahálddašeaddji.
Muitte: ALE juoge dieđuid maid it leat sihkkar ahte bohtet virggálaš gálduin. Boasttudieđuid juohkin sáhttá čuohcat gearggusvuođabargui.
Kritihkalaš jurddašeapmi lea oassi du iešgearggusvuođas
Ovdal go juogát viidáset dieđuid, de jeara iežat dáid gažaldagaid:
- Gii lea juohkán dieđuid?
- Leago virggálaš kanála, vai priváhta olmmoš gii lea juohkán?
- Gávdno go duođaštus dieđuid birra politiijain, gielddas dahje riikka eiseválddiin ?
Loga eambbo ja oaččo buriid rávvagiid dáppe:
