Šiehtadus guoská 65 proseantta doaibmadoarjagii, ja Tonje galgá bargat vástideaddji virgeoasi Unjárggas. Son galgá johtit Unjárgga ja Romssa gaskkas.
Lea mannan áigi oažžut ođđa fysioterapevtta sadjái, ja mii diehtit ahte oallugat leat dan gaskka vásihan geahpeduvvon fálaldaga. Mii leat danin hui duhtavaččat go dál leat gávdnan čovdosa mii addá buori ja stabiila fysioterapiijafálaldaga min ássiide.
Tonje Kristine Nilssen lea riegádan ja bajásšaddan Stuoravuonas Unjárggas, ja lea maŋemus jagiid orron ja bargan Romssas. Son gearggai fysioterapevtan Romssa universitehtas 2018: s, ja sus lea liseansa 2019 rájes.
Son lea ožžon viiddis vásáhusaid vuorrobálvalusas Mátta-Várjjagis, priváhta klinihkas Romssas, gaskaboddosaš barggus Unjárggas, ja ViGØR buohcceviesus.
Tonjein oažžu gielda fysioterapevtta gii lea Unjárgalaš ja geas lea sámi giella- ja kulturgelbbolašvuohta. Dan mii árvvusatnit ja oaidnit dat lea stuorra fápmun go bargá dáppe.
Mii bures boahtin Tonje fas Unjárgii!
