Mii ohcat olbmo gii liiko bargat nuoraiguin, gii lea hutkái, doaimmalaš ja oadjebas deaivvadettiin iešguđetlágan olbmuiguin. Don oaččut guovddáš rolla das ahte ráhkadit buriid vásáhusaid, hukset oktavuođaid ja váikkuhit fátmmasteaddji birrasii Unjárgga nuoraide.

Barggut

  • Plánet, lágidit ja čađahit deaivvademiid/doaimmaid nuoraide ovttasráđiid nuoraiguin, klubbajođiheddjiiguin, gielddapsykologain ja eaktodáhtolaš bargiiguin.

  • Oassálastit fásta bargin nuoraidklubbas – Dagahit ja ovddidit  dorvvolašvuođa, áŋgiruššama ja áigeloaktima.

  • Ferte rehkenastit ahte lea bargu maŋŋágaskabeivviid, eahkediid ja muhtin vahkkoloahpaid.
     

 

Gelbbolašvuođagáibádusat
 

Gelbbolašvuođagáibádusat mat galget devdojuvvot:

  • Persovnnalaš heivvolašvuohta - dán virggis deattuhuvvo persovnnalaš heivvolašvuohta hui ollu. Dat mearkkaša ahte ohcci galgá leat oadjebas, positiivvalaš ja áŋgiris olmmoš geasa nuorat luohttet. Virgi gáibida dáiddu hukset buriid oktavuođaid, ovttasbargat nuoraiguin ja mielbargiiguin, ja váikkuhit fátmmasteaddji ja dorvvolaš birrasii.

Ohccis galgá maiddái leat máhttu váldit ovddasvástádusa ja čájehit beroštumi doaimmaid ja doaluid plánemis ja čađaheamis.

  • B vuodjinkoarta.

 

Sávahahtti gelbbolašvuođat: 

  • Vásáhusat nuoraidbargguin, doaluin, IT/spealuin dahje eaktodáhtolaš bargguin.

  • Oahppu dahje bargovásáhusat dearvvašvuođa-, sosiála- dahje pedagogalaš fágain lea ovdamunni.

  • Sámi giella- ja/dahje kulturgelbbolašvuohta lea ovdamunni.

Mii fállat

  • Gelddolaš ja miellagiddevaš virggi gos besset geavahit sihke hutkáivuođa ja áŋgirvuođa.

  • Bagadeami ja doarjaga oktavuođahuksemis ja doaimmaid plánemis.

  • Bálkká šiehtadusa/KS-tariffa mielde.

Dušše ohcamat mat leat sáddejuvvon digitála rekrutterenprográmma / NAV.no bokte, meannuduvvojit.

 

Unjárga lea guovttegielat mearrasámi gielda mii lea Várjavuona siskkit oasis Nuorta-Finnmárkkus.

Unjárggas leat:

  • mánáidgárdesajit sakka vuoliduvvon haddái
  • guovtteoasat skuvla, sámegiella/dárogiella, ođđa oahppogáldus
  • nuvttá vistehuksensajit
  • ealli musihkka ja revybiras
  • ealli duodjebiras
  • stuorra oassálastin valáštallanjoavkkuin ja eará eaktodáhtolaš organisašuvnnain
  • stuorra luomejeakkit
  • buorit bivdo- ja guolástanvejolašvuođat
  • buorre skohter- ja čuoiganláhttofierpmádat
  • buorit bearralmátkkit
  • ođđaáigásaš museasiida
  • ollu lottit ja eallit ja olu eará
     

Ohcanáigemearri: 05.12.2025

Bargosadji: Unjárgga gielda


Oktavuođaolmmoš:

Daniel Østmo

Tlf: +4740440640

E-poasta: daniel.ostmo@nesseby.kommune.no