Jus galggat beassat jienastit dán čavčča stuorradigge- ja sámediggeválggas, de fertet leat jienastuslogus. Jienastuslohku lea biddjon almmolaš dárkkisteapmái suoidnemánu 10. beaivve rájes gitta válgabeaivái mii lea čakčamánu 8. beaivve. Dáppe sáhtát iskat leatgo Unjárgga jienastuslogus:
-Unjárgga ráđđevisttis
-Coop Prix’as Vuonnabađas
-Unjárgga girjerádjosis
-Unjárgga ja Deanu girjebusses
Jus leat fárren eará gildii ja diehtu du fárrema birra ii leat boahtán álbmotregistarii njukčamánu 30. beaivái, de leat ain jienastuslogus dan gielddas gos leat fárren. Dalle fertet juogo ovddalgihtii jienastit dahje boahtit válgabeaivvi dan gilddii gos orut geassemánu 30. beaivve.
Jus dutnje boahtá válgakoarta, de mearkkaša dat ahte don leat jienastuslogus. Válgakoarttas boahtá ovdan man gielddas don leat čálihuvvon jienastuslohkui, man biirii don gulat ja válgabiire rahpanáiggit. Jus don it leat ožžon válgakoartta ovdal borgemánu 11. beaivve, de berret váldit oktavuođa gielddain iskat leatgo jienastuslogus. Váldde fárrui válgakoartta go áiggut jienastit.
Jus du namma ii leat jienastuslogus, dahje jáhkát leat eará meattáhusat listtuin, de sáhtát váidit. Váidda galgá leat čálalaš ja dat galgá leat vuođustuvvon. Váidda sáddejuvvo: Unjárgga válgastivrii, čujuhus; Unjárgga ráđđevisti, Soltunveien 30, 9840 Vuonnabahta dahje post@nesseby.kommune.no
Sámedikki jienastuslohku lea maid biddjon almmolaš dárkkisteapmái. Váidagat Sámedikki jienastuslogu birra galget sáddejuvvot Sámediggái. Váidda sáddejuvvo Sámediggái e-poastta bokte: samediggi@samediggi.no dahje poastta bokte: Sámediggi, Poastaboksa 3, 9735 Kárášjohka
